Revelation 10

<< REVELATION 10 >>

10Ciafangin huthawm nai ngai a dang van cung mi pakhat khiah vancung in tolh hmu ing. Amah khiah mairo in velh ai a lu vumah bak kai ai a hmai khiah ni thawn bang i. A kete khiah mailei thawn bang i. 2Cia pa in a kut songah a hongsa in ca-uk cikniu pakhat sin i. A kiahhan ke in tipui fon ai a kekeh ke in laipua fon i. 3Chintit huk bangin aw cawm ngai thawn au ai ani in ciatih ai au fangin khuari pasarihte in pong i. 4Cia khuari pasarihte ponghnak khiah i khum tum fangin vancung in raw pakhat in, “Khuari pasarihte ponghnak khiah khum le in tacik khet tu lie.”, ti in i relhnak za ing. 5Ciafangin tipui le laivum ah ding ai i hmuhnak vancung mi khai a kiahhan kut khiah van vum lamah tung ai, 6Vancung le a songai umhnak le laipua le a songai umhnak hmuah le tipui le a songai umhnak hmuah. bawntu le kumzangza nung ngio tu pa hming in cukcam ai, “Tirhting in or tuh phetpho lo i hang. 7Ikhalselasi a pasarih hnak vancung mi ai thirhlung tumhnak aw pau niakhua ah Pathian in a hnenum profette hnenah thanhnak Pathian thuthup khim tuh i ti in rel i. 8Ciafangin i zahnak vancung ai aw in i hnenah i pon leh thio ai, “Feh tulai khia tipui le laivumai dingtu vancung mi kut ai a hongsa ca-uk lang tu.” ti in i rel i. Ciamanin kai khai cia vancung mi hnenah kawi ai cia ca-uk niu ngen ing. Ciafangin ani in i hnenah, “Ca-uk lang tulai ei tu lio. Na pum songah kha tuh ngerngo i. Ikhalselal na ka songah tu khoiti bangin hlumtuh i.” ti in i rel i. 10Ciafangin kai khai cia ca-uk niu khiah vancung mi kut songin lang ai, ei ing! I ka songah tu khoiti bangin hlum i. Ikhalselai i ei ben fangin i pum songah tu kha ngemgo i. 11Ciafangin, amah in, “Nangmah in mi tam ngai le mi phun tamngai le pon phun caang pongtu nite le kumpibawi tam ngai te thu khiah profet bangin rel leh tuh i si.” ti in i rel i.

<< REVELATION 10 >>

 

 

Leave a Reply

Your email address will not be published. Required fields are marked *