<< REVELATION 15 >>
15Ciafangin vancung ah ngaihsuh urkul a dang hnikhnaihhnak lianngai hmu ing. Vancung mi pasarih khiah a hnuataber pul pasarih thawn um i. Cia pulte khiah a hnuataber i hang. Ziangmanti fangin cia pulte thawn Pathian thinrawhnak bo i hang. 2Ciafangin hlalang bang tipui pakhat khiah mai thawn cokroih in hmu ing. Cia tipui hiang ah cia ramsa le a zuk le a hming nambat nehtute khiah amahte kutah Pathian congcing sin in ding tlang i. 3Cia mite in Pathian hnenum Moses la le Tufa niu la khiah, “Na naperhnakte khiah a lian le a ngaihsun urkul i, aw Huthawm thawri dimtu Bawipa Pathian! Na lampuite khiah a dikcang le a hman i, aw kumzangza Kumpibawipa!
4Aisu in na hming khiah ko lo le thangphat lo in um tuh i, aw Bawipa? Ziangmanti fangin nangmah lek khiah a cianghlim i si.
Mi phun hmuahhmuah khiah kawi tuhai na bia tuh i.
Ziangmanti fangin na thukhanhnak khiah lar zo i hang.” ti in lasa i.
5Ciaben fangin kai khai kawi ai vancung ah tettikhanhnak tabernacle tihnak temple khiah hong ai, 6Cia temple songin cia vancung mi pasarih te khiah pul pasarih thawn suak ai, amahte khiah a tleu ngai pon thawn thuam ai amahte sohnar khiah sui pumpen thawn pen i. 7Ciafangin a nung ramsa pakhat in cia vancung mi pasarihte khiah kumzangza nungtu Pathian thinrawhnak thawn dim sui bel pasarih khiah pe ai, 8Temple khiah Pathian thangphathnak maikhu le a power maikhu thawn dim ai vancung mi pasarihte pul pasarih ba hlan lo aisu in khai cia temple songah lut thill lo i.
<< REVELATION 15 >>