Zakuk le Esau tawkdun i
1Zakuk khai khuahlir in sik fangin Esau khiah a minung 400 thawn kawi hmu i. Ciamanin a fate khiah Leah le Rachel le a nupang hnenum panihte lakah khan i. 2A hmasaber ah hnenum nupang le a fate dah ai a sontu ah Leah le a fate; ciaben fangin a hnuakhumber ah Rebekah le a fa Joseph dah i. 3Amah tu hmai ah feh ai a u thawn nong dun fangin laipua ah vel sarih a lu ut i.
4Ikhalselai Esau khai dawp ai Zakuk khiah kuah ai a kut thawn Zakuk hawng kuah ai thut i. Ciafangin anite khai kap kawm i. 5Ciafangin Esau in nupuite le a fate khiah hmu ai, “Nang thawn ai hete tu aisute i?” ti in zawt i. Zakuk, “Hete khiah Pathian ngaihharhnak in na hnenum hnenah pehnak te i.” ti in rel i. 6Ciafangin hnenum nupang te khai a fate kawm in kawi ai a lut ut tlaang i. 7Ciaben fangin Leah le a fate kawi ai a lu ut tlaang i. A hnuataber fangin Joseph le Rachel kawi ai anite khai a lut ut ve i. 8Ciafangin Esau in, “He lamlak ah a pawl a pawl ai i tawkhnak sumhnam te tu zai ca i pa?” ti in zawt i. Zakuk in, “I bawipa in ning i hio thaihnak tuh in i.”ti in sawn i. 9Ikhalselai Esau in, “I nau, a tamngai in nai zo ing. Nangmah in nai tu hlen.”ti in ti i. 10Ikhalselai Zakuk in, “I lo i. Ning i hio i lesikhaw he lehsawng khiah i saang sah tu. Na hmel hmu heh Pathian hmel hmu bang tluk i. Ziangmanti fangin tunin lungkhim ngai in i saang i hang si. 11Ciamanin i kawihhnak lehsawng khiah i saang sah tu. Ziangmanti fang in Pathian in ngaih i har manin i caakhnak hmuah nai bial ing.”ti in ti i. Zakuk in ruai bel manin Esau in cia lehsawngte khiah saang i.
12Ciafangin Esau in, “Feh nga sing. Na fehpui ngang.”ti in Zakluk khiah ti i. 13Ikhalselai Zakuk in, “Naupangte khiah naupang ze ti khiah i bawipa in ling i si. Cen tuu nu le kawlpaw nu te khai a fate hnawifawp manin sik kul ing. Ni khat in a hnawraw ze in hnawt le singkhaw a veksenin thi tuh berh i. 14Ciamanin i bawipa khiah a hnenum hlanah lo feh tu teu selai na hnua in Seir ah na hnen i hleng hlan tian he sumhnamte le naupangte amahte vak ben tawp in thuniuniu in vak tlaang nga ing.” ti in ti i.
15Ciafangin Esau in, “Ilekhaw i minung hrekkhatte na hlup ngang.” ti in ti i. Ikhalselai Zakuk, “Ciatih in ziang kul i? I bawipa in ning i hio tu ngawn seh.” ti in sawn i. 16Ciamanin cia nia ah Esau khai Seir ah let leh i. 17Zakuk tu Sukot ah feh ai ciata ah amah ca in inn sa ai a sumhnamte ca khai inn sak i. Ciamanin cia hmun khiah Sukot ti in ko i.
18Paddan Aram in Zakuk khai feh ai Khanaan ramai Shekhem khua ah a him niu in hleng leh ai cia khua hiang ah zancam i. 19Zakuk in tangka 100 thawn Shekhem paa Hamor fate hnenin hmun pakhat lai ai ciata ah a buk sa i. 20Ciata ah awlta pakhat sa ai El Elohe Israel ti in ko i.