Shekhem le Dinah thu
1Leah le Zakuk fenu Dinah khai cia ramai fenute leng tuhin feh i. 2Ciafangin Hiv minung uktu Hamor fapa Shekhem in Dinah hmu fangin pom le itpui i. 3Shekhem in Zakuk fenu Dinah khiah it manin ponnem niu in pon i. 4Ciafang Shekhem in a paa Hamor hnenah, “He mi i nu tuh in i dong sah tu.” ti in ti i. 5Zakuk in a fenu Dinah khiah amah in sualpui i ti za fangin a fate khiah hampalak ah kawlpawte khal in um teng i. Ciamanin anite inn tlung hlan hmuah zaikhai rel lo niu in um i. 6Ciafangin Shekhem paa Hamor khai Zakuk pon tuhin kawi i. 7Zakuk fate khai hampalak in tlung fangin cia thu za fangin anite khai thin ur ai raw bik i. Ziangmanti fangin Shekhem in Zakuk fenu khiah itpui manin Israel lakah hmingsiakul bawn i. Ciabang khiah bawn pha lo napui i.
8Ikhalselai Hamor in amahte hnenah, “I fapa Shekhem in na fenu vumah a thinlung a vekin dah sio i. Ninghio niu in a nu tuh in pe tu. Nu dun pa dun nga sing. Ning fenute kin pe tu i lai kin fenute khai nu tuu-ih. 10Kin lakah khuato tuu-ih. Kin ram khiah ning hon i ing. Um tuu-ih. Dawr tuah tuu-ih. Cen loram khai lai tuu-ih.” ti in ti i. 11Ciafangin Shekhem in Dinah paa hnenah le a hmingpate hnenah, “Ning i hio tu i lai ning ngenhnak caang ning pe tuh ing. 13Nu man le lehsawng ning daih zah i ngen tu i lai ning ngenhnak zah ning pe tuh ing. He fenu heh i nu tuhin i pe tu ngio ih.” ti in ti i.
13Amahte farnu khiah sual ruai manin Zakuk fate in Shekhem le a paa Hamor khiah thudon kong in sawn ai, 14Amahte hnenah, “Ciabang in bawn thill lo i ing. Kin farnu khiah vunpar cemlo pa hnenah pe thill lo i ing. Ciatih in bawn leingkhaw hming kin sia tuh i. 15Hetih bangin bawn leisikhaw ciafang ian in lung kin khim tuh i: Kinmah bangin ning pasal hmuahhmuah in ning vunpar cem tuu-ih. 16Ciafangin kin fenute khiah ning pe nga ing. Cen ning fenute khai nu nga ing. Ning lakah khuato nga ingkhaw ciafang in mi phun khat kin cang tuh i. 17Cen vunpar cem ning nuam hlahlekhaw kin farnu khiah lang tuh lio ai feh tuh i ing.” ti in ti i.
18Amahte thusawmhnak khiah Hamor le a fapa Shekhem in a pha ti in ruat i. 19Ciafangin a paa innkua songah upathnak ber cia tlangval pa khai amahte ruaihnak bangin bawn tuh khiah tirhting lo ing bawn zual i. Ziangmanti fangin amah in Zakuk fenu lakah lungkhim rauh i. 20Ciaman Hamor le a fapa Shekhem khai a khuapui pasalte sawm tuhin amahte khua kawl dawngkham ah kawi ai, 21“He mite khiah kin rual i. Kin lakah um tu selai dawr bawn tu seh. He ram ah umhmun tuh um bial i. A fenute khiah nu thai i sing. Cen kin fenute khai anite in nu thai i. 22Ikhalselai kinte in amahte bangin vunpar cem fang ian in kin lakah mi phun khat bangin um nuam i. 23Ciafangin amahte sumhnam le thilrite khiah kinmah ai cang tuh lo im? Ciamanin amahte sawmhnak khiah lungkhim nga singkhaw ciafangin anite khai kin lakah khuato tuh i.” ti in rel i. 24Ciafangin khua kawl dawng ai kawitu pasal hmuah in Hamor le Shekhem thawn lungkhim tlaang ai pasal veksenin amahte vunpar khiah cem ten i.
25Ni thum nia fangin anite khai a ur ngai in um teng fangin Zakuk fapa panih, Dinah hmingpa Simeon le Levi khai vangsau thawn cia khua khiah cia khuate mangrin lolak in tawng ai pasal hmuah rek sio i. 26Hamor le a fapa Shekhem khai vang thawn rek ai Dinah khai Shekhem inn songin lang ai tlan i. 27Zakuk fate in a thite ruang khiah kal ai amahte farnu hmingsia ruaihmun khua khiah a veksenin roksah i. 28Cia khua songai le khua pua ai tuu le kawlpaw le lakte le zai hmuahhmuah khai lang sio i. 29Cen amahte naihhnak le nupui le naupangte khai inn songai thilri veksen thawn phur sio i. 30Ciafangin Zakuk in Simeon le Levi hnenah, “He ramai umtu Khanaan mite le Periz mite lakah i uih ruai ai harsahnak i hlen i si. Kinte khiah mi tlawmniu i sing. Amahte in i bawm in i tawng lekhaw kaimah le i innkua in kin hnawmcan tuh sek i.” ti in ti i. 31Ikhalselai amahte in, “Amah in ziangmanin kin farnu khiah phatemah bangin hmang ngian i?” ti in sawn i.