1Amahte khiah i phungki per tuhin hetih bang in ciang ruai tuh i si: Kawlpaw cang pakhat le tuu cang panih a maa nai lo le 2col telh lo sangreu le thau thawn rawihhnak col telh lo sangreu le thau thawn pawhhnak ponghmuk khiah lang tu (hete khiah sangvut thawn bawn tuh i si). 3Ciate khiah bawm niu pakhat songah kawlpaw cang le tuu cang te thawn kawih tu. 4Aaron le a fate khiah pumkhawm hmun tabernacle dawngkham ah kawih tulai, ciata ah amahte khiah ti thawn som tuh i si. 5Ciafangin thilthuam khiah lang tulai hnik songruk le ephod pon le ephod le sohnar khukhnak pon khiah Aaron silh tu. Cen a mawi ngai ai cawihhnak ephod elpen thawn Aaron khiah pen tu. 6Cen a lu vumah lupawng velh tulai cia lupawng vumah a cianghlim lukhuk khuk tu. 7Cen pawh tuhhnak thau lang tulai a lu vumah dah tulai amah khiah nawih tu. 8Cen a fate khiah kawih tulai hnik songruk feng ruai tu. 9Cen Aaron le a fate khiah elpen ponniu thawn pen tulai lukhuk khuk tu. Phungki natuan khiah a kumzangza in amahte natuan i tuh i. Ciatih bangin Aaron le a fate khiah cianghlim ruai tuh i si.
10Cen pumkhawm hmun tabernacle hmai ah kawlpaw cang khiah kawih tulai a Aaron le a fate in kawlpaw lu khiah awh tu seh. 11Ciaben fangin tabernacle dawngkham hiangah cia kawlpaw cang khiah Bawipa hmai ah rek tuh i si. 12Cen na kut zung thawn cia kawlpaw thi a hrekkhat khiah tabernacle ki nawih tuh ai a taanghnak thi khiah awlta cabuai hamah bung tu. 13A ril vumai a thau le a thin ai a thau le a kal panih le a thaute khiah lang tulai awlta vumah tai tuh i si. 14Cen kawlpaw sa le a vun le a pha lo a sa te khiah ning caam hmun buk pua ah mei thawn tai tuh i si. Cia khiah sualhnak ca ai a hlu i.
15Cen tuucang pakhat khai lang tulai Aaron le a fate in tuu cang lu khiah awh tu seh. 16Ciafangin cia tuu cang khiah rek tulai a thi khiah awlta cabuai hiang cingkim ah phiah tu. 17Ciafangin cia tuu sa khiah cem tu sio lai a rilte khiah a ke te thawn som tu sio lai a sa le a lu kawmin hmunkhat ah haih tu. 18Ciafangin cia tuu sa khiah a veksenin mei in tai tu. Cia khiah Bawipa hnenah mei thawn taihnak a hlu i ai a rimhmui i le Bawipa hnenah mei thawnai taihnak a hlu i.
19Cen tuu cang dang pakhat khai lang tulai Aaron le a fate in a lu khiah awh tu seh. 20Ciaben fangin cia tuu khiah rek tulai cia tuu thi khiah Aaron kiahhan lam bil par ah le a fate kiahhan lam bil par ah le amahte kiahhan lam kut zungpui le ke zungpui ah nawih tulai cialo a dang thi hmuah khiah a veksenin awlta cabuai hiangah phiah tu. 21Cen awlta vumai thi le a pawh tuhhnak thau khai lang tulai Aaron le a thilthuam le a fate le amahte thilthuam vumah phiah tulai ciatih bangin Aaron le a thilthuam le a fate le amahte thilthuam khiah cianghlim tuh i. 22Cen tuu thau le tuu mai ai thau le a ril ai thau le a thin ai thau le a kal ai thau le a kiahhan kengpui (ziangmanti fangin cia tuu khiah cianghlim ruaihnak tuu i) le 23sangreu hlom khat le thau thawn suanghnak sang le Bawipa hmai ah dahhnak col tello sangreu bawm songai sangreu pakhat khiah lang tulai 24Aaron le a fate kut songah haih tulai Bawipa hmaiah zaaphnak hlu bangin zaap tu. 25Ciaben fangin amahte kut songin lang leh tulai me ai taihnak a hlu bangin awlta vumah mei in tai tu. Cia khiah Bawipa hmai ah a rimhmui a hlu i ai Bawipa hmaiah mei thawn taihnak a hlu i. 26Aaron cianghlim ruaihnak cia tuu cang sohnar khiah Bawipa hmaiah a zaap ai hluhnak bangin zaap tulai cia khiah na vo i. 27Cen cianghlim ruaihnak tuh ai hluhnak tuu cang ai a zaap ai hluhnak a kodar le a daang kong ai hluhnak a keng khiah cianghlim ruai tulai cia khiah Aaron le a fate vo i. 28Cia khiah Israel mite in Aaron le a fate hnenah a kum khua ai hlu tuhhnak i. Ziangmanti fangin cia khiah a daang kong ai hluhnak a hlu i le Israel mite in remhnak tuhai Bawipa hnenah a daang ai hluhnak i.
29Cen a cianghlim Aaron thuamte khiah a fate in ping tuh ai cia thuamte khiah sil in amahte khiah cianghlim ruai tuh i. 30Aaron ca ai phungki per tu a fapa in cia a cianghlim khaan songah naper tuhin pumkhawm hmun tabernacle songah lut fangin cia thuam khiah ni sarih song sil tuh i.
31Cen Aaron cianghlim ruaihnak tuu cang khiah lang tulai a sa khiah a cianghlim khaan songah suang tuh i si. 32Ciafangin pumkhawm hmun dawngkham hiang ai kho songai sangreu le tuu cang sa khiah Aaron le a fate in ei tu seh. 33Amahte khiah cianghlim ruai ai Pathian thawn rem ruaihnak a hlute khiah Aaron le a fate lek in ei tuh ai mi dangte in ei ma seh. Ziangmanti fangin ciate khiah a cianghlim i. 34Cen cianghlim ruaihnak sa le sangreu khiah a thangha tian taang lekhaw mei thawn tai tuh i si. Aisu in khai ei tuh lo i. Ziangmanti fangin ciate khiah a cianghlim i. 35Ciatih ai i ruaihnak bangin Aaron le a fate vumah bawn tuh i si. Ni sarih song amahte khiah cianghlim ruai tuh i si. 36Nisiar in kawlpaw cang pakhat khiah Pathian rem ruai lehhn40ak tuhin sualhnak ca in hlu tuh i si. Cen a hlu ben fangin cia awlta cabuai khiah som tulai cianghlim ruai tuhin thau noih tuh i si. 37Cia awlta cabuai ca in ni sarih song Pathian rem ruaihnak a hlu khiah hlu in cianghlim ruai tuh i si.
38Cen awlta cabuai vumah hete hlu tuh i si: ni khat hnua ni khat com lo in kum khat tar tuu faniu panih hlu tuh i si. 39Tuu fa pakhat khiah zinglam in hlu tuh ai a khatta khiah zanlam fangin hlu tuh i si. 40Cen cia tuu pakhat khiah sangvut ephah hmun ha khan hmun khat a rialhnak thau hin hmun li khan hmun khat le ding tuh capittizu hin hmun li khan hmun khat hlu tuh i si. 41Cen tuu pakhat tu zanlam fangin hlu tuh ai zinglam ai hluhnak bangin rong le capittizu khiah a rimhmui thai in Bawipa hmai ah mei thawn tai in hlu tuh i si. 42He khiah ning nun song in a catlo in mei thawn hluhnak i tuh ai Bawipa hmai ah pumkhawm hmun tabernacle dawngkham ah hlu tuh i si. Ciata ah tawkdun tuh ai thu na rel tuh ing. 43Ciata ah Israel mite thawn tawkdun tuh ai cia tabernacle khiah i thangphathnak thawn cianghlim ruai tuh ing. 44Pumkhawm hmun tabernacle le awlta cabuai khiah cianghlim ruai tuh ing. Cen Aaron le a fate khai i naper tuhin phungki cang tuhin cianghlim ruai tuh ing. 45Kaimah khiah Israel mite thawn umkhat tuh ai amahte Pathian cang tuh ing. 46Ciafangin amahte thawn um tuhin Izip ramin suahtu amahte Bawipa Pathian i ti in i ling tuh ing. Kaimah khiah amahte Batwipa Pathian ing. 46Ciafang amahte thawn um tuhin Izip ramin suahtu amahte Bawipa Pathian i ti in i ling tuh i. Kaimah khiah amahte Bawipa Pathian ing.