1Ahaziah nuu Athaliah in a fapa thi hmu fang in, ani khai tho ai kumpibawi fate hmuah rek sio i. 2Ikhalselai Kumpibawipa Joram fenu, Ahaziah farnu Jehosheba in Ahaziah fapa Joash khiah a thupniu in kumpibawi fate lakin lang lio ai, a lentu nuu kawmin khaan songah Athaliah hmunin thup manin rek ngah lo i. 3Ciatih bangin, Athaliah in cia ram uk teng in, a lentu nuu thawn Bawipa inn songah kum ruk thup i.
4Kum 7hnak fangin, Jehoiada in raalkap zakhat uktute le kumpibawi kiltute le a hnuahlunte khiah ko ai, Bawipa innah amah hnenah ko i. Amahte thawn thukham dun ben fangin, amahte khiah kumpibawi pa fapa khiah hmuh i. 5Ciafangin amahte khiah, “Hetih bangin bawn tuh i si: Sabbath nia ah naper tuhai kawi tu ningte lakah hmun thum khan hmun khat te in kumpibawipa inn khiah cul tuh i si. 6Cen hmun thum khan hmun khat in Sur kawl dawngkham ah um tuh i si. Cen hmun thum khan hmun khat te in hnuahlunte hnua ai dawngkham ah um tuh i si. Inn khiah aisu in khai rok thill tuh lo in inn khiah cul tuh i si. 7Cen Sabbath nia ai naper ben ai tlungtu hmun nih te in Bawipa inn khiah kumpibawi ca in cul tuh i si. 8Kumpibawipa khiah ning kut ah raal thilthuam vong in a hiang cingkim in kulh tuh i si. A hiang ah kawi tu khiah rek tu lio ih. Kumpibawi suak fangin le lut leh fangin amah thawn um tuh tio i si.” ti in rel i.
9Ciamanin raalkap zakhat uktu bawite in Jehoida phungki pa ai ruaihnak bangin bawn i. He bawite in Sabbath nia ai naper tu tuh le Sabbath nia ai naper zo tute a kuthnia aite khiah Jehoida phungki pa hnenah kawih i. 10Ciafangin phungki pa in cia bawite khiah Bawipa temple songai khawihnak Kumpibawi David ai feipui le lumte khiah raalkap zakhat uktu bawite khiah pe i. 11Ciafangin a hnuahlunte in amahte kut tenah raal thilthuam vong in, kumpibawi hiang cingkim ah awlta le temple hiangah, temple kekeh lamai panin temple kiahhan lam tian ah ding i. 12Ciafangin amah in kumpibawi fapa khiah suah ai kumpibawi lukhuk khiah khuk ai, Thukham khiah pe i. Amahte in amah khiah kumpibawi cang tuhin nawih ai, papabeng ai, “Kumpibawipa nun sau tu seh.” ti in au tlang i.
13Athaliah in cia hnuahlunte le minungte aw za fangin, Bawipa temple songah mite hnenah kawi i. 14Ani khai sik fangin, kumpibawipa khiah a dan bangin khuam hiang ah ding in hmu i. Cen mi upate le thirhlung tumtute khai kumpibawipa hiang ah ding khiah hmu i. Cia ramai mi veksen khai ang rauh ai, thirhlung tum i. Ciafangin Athaliah khai a thuam khiah zik ai, “Raltho i si, raltho i si.” ti in au i. 15Ciafangin Jehoiada phungki pa in, raalkap zakhat uktute raalbawite hnenah, “Amah khiah pom in sumpua ah suah tuu-ih. A hlun tu khiah vangsau thawn rek tuu-ih.” ti in ruai i. Ziangmanti fangin phungki pa in, “Cia nuu khiah Bawipa inn songah rek ma seh.” ti in ti i. 16Ciamanin amahte in cia nuu khiah pom ai, kumpibawipa inn ah siphuh lut hmun ah kawih ai ciata ah rek i.
17Ciafangin Jehoiada in Bawipa le kumpibawipa le mite lakah amahte khiah Bawipa minung cang tuhin thukhamhnak bawn ai kumpibawipa le minungte thawn khai thukham dun i. 18Ciafangin ram song ai mi veksen khai Baal temple ah kawi ai Baal temple khiah bal sio i. A awlta le milim zuk hmuah a veksenin khoi sah sio ai Baal phungki pa Mattan khai awlta hmai ah rek i. Ciafangin phungki pa in Bawipa inn kiltu tuhin raalbawite khiah ril i. 19Ciafangin raalkap zakhat uktute bawite le kumpibawi kiltute le a hnuahluntute le cia ram ai mite veksen khiah lang ai kumpibawipa khiah Bawipa inn songin zuk ai, a hnuahlunte lut hmun lamin kumpibawipa inn songah tlum i. Ciafangin ani khai kumpibawite tauhkheng vumah to i. 20Ciamanin cia ramai mi hmuah khai a veksenin ang tlang i. Athaliah khai kumpibawi inn songah vangsau thawn rek zo manin cia khua khai dapthen in um i. 21Jehoash khiah kumpibawi cang fangin kum sarih i.