1Ciaben fangin David in Filistin te khiah tawng ai neh lio le Gath le a khuate khiah Filistin te kut songin long sah i. 2Ciafangin David in Moab te khiah neh ai Moab te khiah David hnenum cang ai siahkhuai pe i.
3Hamath tian ai uk tu Zobah kumpibawi Hadadezer khai David in neh ai, a ukhnak khiah Zufrates Run hiang tianin kau ruai i. 4 David in Haddezer hnenin siphuhleng thawngkhat le siphuhtotu thawngsarih le raalkap thawngkul lang sah i. Cen David in siphuhleng zakhat ca in siphuh siarlo a dang siphuh khiah a veksenin a kawngpui thari at sah sio i.
5Damascus ai Siria mite in Zobah kumpibawi Hadadezer bawm tum fangin, David in Siria mite thawngkul hluannih rek i. 6Ciafangin David in Damascus ai Siria ah raalkapte dah ai Siria mite khiah David hnenum cang ai siahkhuai kawih i. Ciatih bangin David vak hmun cang ah Bawipa in David khiah hiim ruai i. 7David in Hadadezer hnenumte vonghnak sui lum khiah lang ai Jerusalem ah kawih i. 8 Cen Hadadezer khua Tibhath le Chun in David in dar tamngai tlun ai, cia dar khiah Solomon in Dar Hlengpui, le khuam le thilri dangte ah bawn leh i.
9Hamath kumpibawi Tou in, David in Zobah raalkapte a veksenin neh sio khiah za fangin, 10a fapa Hadoram khiah Kumpibawipa David hnenah, David tawk tuhin le hmuifu bur tuhin hlat i. Ziangmanti fangin Tou le Hadadezer khiah tawng dun awng ai Hadadezer in Tou khiah lo neh awng i. Hadoram in David hnenah sui le ngun le dar thilri tamngai kawih i. 11 Kumpibawipa David in hete khiah Edom le Mob le Ammon mite le Philitine mite le Amalek te hmunin a kawihhnak sui le ngun te kawmin Bawipa hnenah hlu i.
12Ciazolo ah Zeruiah fapa Abishai in Edom mi thawng hlairiat khiah Ci Rawn zawllai ah rek i. 13 Cen amah in Edom ah khai raalkapte dah ai, Edom mi khiah a veksenin David hnenum cang i. David vak hmun cang ah Bawipa in David khiah hiim ruai i.
14Ciamanin David in Israel hmuahhmuah vumah uk ai a minung veksen vumah a hmaniu le a cang niu in thukhan sah i. 15Zeruaih fapa Joab khiah a raalkapte uktu bawi i. Ahilud fapa Jehoshaphat khiah laikhum tu i. 16Ahitub fapa Zadok le Abiathar fapa Ahimelech te in phungki tuan i. Seraiah khiah secretary i. 17Jehoiada fapa Benaiah khiah Chereth mite le Peleth mite uk ai David fapate khiaha paa hiangin bawi upaberte tuan i.