Phungkite Natuan Khandan
1Aaron fate khiah hetih bangin khan tlaang i: Aaron fapate khiah Nadab, Abihu, Eleazar le Ithamar te i. 2Nadab le Abihu khiah a paa hmai ah thi ai fate nai lo i.Ciamanin Eleazar le Ithamar in khungki naper i. 3Ciafangin David le Eleazar fapate Zadok le Ithamar fapate Ahimelech kawmin amahte naper can khiah khan i. 4Eleazar fate lakai mi upate khiah Ithamar fate hnak in tam sawn i. Ciamanin a khan fangin khai ciatih bangin khan i. Eleazar fate lakah mi upa hlairuk um ai Ithamar fate lakah mi upa pariat um i. 5Amahte khiah me hlah in khan i. Ziangmanti fangin Eleazar fate le Ithamar fate lakah tabernacle ah naper tu mi upa le Pathian ca ai napertu upate um veve i. 6Levi mi Nethanel fapa cazi Shemiah in amahte hming khiah kumpibawi hmai ah le a bawite: phungki Zadok, Abiathar fapa Ahimelech le phungkite le Levi te songai mi upate hmai ah Eleazar songin innkua khat Ithamar songin innkuat khat ciatih in khum i.
7A hmasaber ah Jehoiarib ril i. A panihhnak ah Jedaiah, 8a pathumhnak ah Harim, a palihnak ah Seorim, 9a pangahnak ah Malchijah, a parukhnak ah Mijamin, 10a pasarihhnak ah Hakkoz, a pariathnak ah Abijah, 11a pakuahnak ah Jeshua, sawmkhathnak ah Shecaniah, 12hlaikhathnak ah Eliashib, hlainihhnak ah Jakim, 13hlaithumhnak ah Huppah, hlailihnakah Jeshebeab, 14hlaingahnak ah Bilgah, hlairukhnak ah Immer, 15hlaisarihhnak ah Hezir, hlairiathnak ah Happizzez, 16hlaikuahnak ah Pathahiah, kulhnak Jehezekel, 17kul hluankhathnak ah Jachin, kul hluannihhnak ah Gamul, 18kul hluanthumhnak ah Delaiah, kul hluanlihnak ah Maaziah in ngah i. 19He khiah Israel Bawipa Pathian in amahte pupa Aaron ruai ai Aaron in amahte khiah ruai saihnak bangin, amahte in Bawipa inn song lut fangin, amahte naper can i.
20A taanghnak Levi fapate khiah: Amram fapate songin Shubael; Shubael fapate songin Jehdeiah. 21Rehabiah thu ah, Rehabiah fapate lakah Isshiah khiah a hmasaber i. 22Izhar songin Selomoth; Selomoth fapate songin Jahath. 23Hebron fapate songin Jeriah khiah a hmasaber, a panihhnak Amariah, a pathumhnak Jahaziel, a palihnak Jekameam. 24Uzziel fapate songin Michah; Michah fapate songin, Shamir. 25Michah nau Isshiah; Isshiah fapate songin Zechariah. 26Merari fapate khiah Mahli le Mushi; Jaaziah fapa Beno. 27Jaaziah thawn Merari fapate khiah Beno, Shoham, Zaccur le Ibri tei. 28Mahli songin Eleazar, ani in fa nai lo i. 29Kish songin Kish fapa Jerameel. 30Mushi fapate khiah Mahli, Eder, le Jerimoth. Hete khiah amahte paate innkua songai Levi mite i. 31He mite in khai amahte unau Aaron fapate bangin Kumpibawipa David le Zadok le Abimelech le phungkite le Levi inn songkhat ai mi upate hmai ah me hlah ve i. A paa upaberte in khai a nauta ber bangin bawn i.