1 Ciafangin Job in,
2 “Aw, i lungsiahnak khiah teh thill selai,
cia thawnin i anharhnak khiah zazu in khai
thill selai!
3 Ziangmanti fangin tipui ai runsiat tah in
rit tuh sawn i.
Ciamanin thin rang in pong ing.
4 Ziangmanti fangin a Cungnung Pathian ai
saihnak conkiang khiah i songah um i.
I rauhla in cia conkiangte thihsi khiah ding i.
Pathian hnenai laukulte in i tawng i.
5 Hampalak ai lak in hampa ei tuh nai hlen
lekhaw, rung tuh hnelhno im?
Cen kawlpaw tang a fak nai hlen selai,
rung tuh hnelhno im?
6 A zahta nai lo rong khiah ci telh lo in ei thill im?
Arti a ngo khiah a zahta nai awm?
7 I rauhla in cia bang rong khiah tok rin tok nuam lo i.
Ciabang rong khiah i duh lo i.
8 Aw, i ninghio kunhnak khiah lo i pe selai.
Cia khiah ziang i ti fangin,
Pathian in i ummhnak thil pe i daih i.
9 Cia khiah ziang i ti fangin,
i hmet tuh lio in Pathian lungkhim selai,
a kut thawn i rek lio selai i daih napui i.
10 Ciafangin thin i nuam tuh napui i.
Thin i tawp tuh napui ai i ang tuh i.
Amah in i zah ma seh.
Ziangmanti fangin a Cianghlim Pa thu khiah thup lo ing.
11 Umm benhnak tuhin zai bang tha nai ing?
I nunhnak khiah ziang i?
Ciamanin zaimanin iang tuh ing?
12 I tha khiah lungtote tha bang im?
I taksa khiah dar bang in cak im?
13 I bawmtu khiah i songah um lo im?
Neh benhnak tuh tha khiah i hnenin i hnawt sah teu im?
14 A urtu pa in a Cungnung Pathian kih lo rin in,
a rualpui in ninghiohnak hmuh tu seh.
15 Ikhalselai i unaute in rawnti bangin i zawl i.
Amahte khiah a luang tuak zu tuak rawnti bang
16 Amahte khiah tikhal manin hang i.
Vur khiah zul fangin hor bang ai zuhnak ti bang i
17 Ikhalselai cia ti khiah khaal fangin kaang ai,
a rawn songin khuasa fangin pai berh i.
18 Amahte in lamtler ai
a konah khai hleng lo in rall berh i.
19 Tema ai sumhnam kawm ai khualsite in sii i.
Sheba ai khualsitute in amahte khiah umm ngai
20 Amahte khiah thasia rauh i.
Ziangmanti fangin amahte in ti tawk tuh rori vuah i.
Ikhalselai ciata ah hleng fangin,
thinhnawm rauh i.
21 Tunin ningte khiah zaikhai i lo i si.
Lauhnak khiah hmu fangin ning lau i.
22 ‘I hnenah khia i kawih sah tu.’
‘Na naihhnak songin nawhthuh i pe sah tu.’
23 ‘I raal pa kut songin i suah tu.’
‘I nemhtu pa kut song in i tlanh tu.’ ti in rel awng aw ing?
24 I cuk tulai, i kaa sup tuh ing.
I khelhhnak khiah i ling ruai tu.
25 A hman pon khiah zaitluk in huthawm nai i?
Ikhalselai na relhnak thu khiah zai hnempui i?
26 I relhnak khiah i rem sah tum i sim?
Thinhnawm ngai pa ponka khiah
a lovangin nam i sim?
27 Paa nailote khiah hnawmcan i si.
Na rualpui khiah thanau ruai i si.
28 Ciamanin tunin i sik tu.
Ziangmanti fangin na hmai ah
thudon na rel tuh lo ing.
29 Thinruh in um mah.
A dikcang lo in um mah.
Ruat leh tu cuk.
Ziangmanti fangin i dikcanghnak khiah a thupui i.
30 I kaa songah sualhnak um im?
I kaa in a pha lo khiah ling thill lo ing?