1 I fate, a paa ai a fate tiamhnak thu khiah ngai tuu-ih.
Fimhnak khiah ling tek tuu-ih.
2 Ziangmanti fangin doctrine pha ning pe ing:
I upadi dan khiah zam mah ih.
3 Kaimah khiah i paa fapa niu i awng ing.
I nuu ai daw hnak le fa pakhat lek nai hnak i awng ing.
4 I paa in hetih in thu i cuk i: “Na thin songah i
thu khiah um ruai tu ngio.
I thukham khiah hlun in nung tu.
5 Fimhnak khiah ngah tek tu.
Ling thiamhnak khiah ngah tek tu.
I kaa ai ponghnak khiah hai mah.
Hlun lo in khai um mah.
6 Amah khiah hlum ma lai, amah in na him ruai tuh i.
Amah khiah it tulai, kil na khawl tuh i.
7 Fimhnak khiah a thupui ber i.
Ciamanin fimhnak khiah ngah tek tu.
Na ngahhnak veksen lakah, ling thiam
hnak khiah ngah tek tu.
8 Amah khiah lawm tulai, amah in na do tuh i.
Amah khiah kuah tulai, mi zulhnak na hlen tuh i.
9 Amah in na lu ah ngaihharhnak lukhip dah tuh i.
Thangphathnak lukhuk na pe tuh i.” ti in i cuk awng i.
10 I fapa, i ngai tulai, i relhnak thu khiah hlun tu.
Ciafangin kum tam ngai na nung tuh i.
11 Fimhnak lamah na zirh zo ing.
A hman lampui ah kong na hoi zo ing.
12 Lam na vak fangin na kalsuan khiah na kham sah tuh lo i.
Na dawp fangin na bah tuh lo i.
13 Tiamhnak khiah pom tu meng.
Na hnenin tlan ruai mah.
Amah khiah ping tu meng.
Amah khiah na nunhnak i.
14 Mi sualte lampui ah lut mah.
A pha lo lampui ah vak mah.
15 Cia lampui ah vak lo in khel tu teu.
Cia lampui in let in feh tu teu.
16 Ziangmanti fangin amahte in a pha lo
bawn hlahlekhaw, mitmu thill lo i.
Mi daang khiah bah ruai hlahlekhaw, mitmu sung lo i.
17 Anahte in sualhnak khiah rong bang in ei i.
Tawng dun hnak khiah capittizu bang in ding i.
18 Ikhalselai mi dikcang te lampui tu ni bang in tleu i.
Ni khua pha rauh bangin tleu amam i.
19 Mi sualte lampui khiah khuathim bang i.
Amahte khiah zai in bah ruai i ti khiah amahte in ling lo i.
20 I fapa, i thu khiah i ngai tu.
I relhnak khiah na bil thawn ngai tu.
21 Na mit hnenin tlan ruai mah.
Na thin laiteng ah haih tu.
22 Ziangmanti fangin a tawk tu ca ah nunhnak i.
Amahte taksa ca ah cak hnak i.
23 Na thinlung khiah a ciang ngai in dah tu.
Ziangmanti fangin a songin nunhnak
thu hmuahhmuah suak i.
24 Thudon rel thai kaa khiah lon tu teu.
A siava kahmur khiah nangmah thawn
a hla ngai ah dah tu.
25 Na mit in na hmai cang lek sik tu.
Na hmai cang lek khiah sik tu.
26 Na ke thawn na vak hmun lampui khiah
ruat hmasa tulai,
Na lampui khiah a veksenin hman tuh i.
27 Kiahhan lam le kekeh lamah her mah.
A pha lo songin na ke khiah tlan tu.