1 Na rong khiah tipui vumah sep tulai,
Ni tamngai fangin tawk leh tuh i si.
2 Na rong khiah hmun sarih le
hmun riat in khai do tu.
Ziangmanti fangin laivum ah a pha lo khiah
hleng tuh khiah ling lo i si.
3 Mairote khiah ruahti thawn dim pek lekhaw,
Laivumah ruah sii ruai i.
Cen thing khiah hlanglam le saklam ah tlu lekhaw,
A tlu hmunah cia thing um tuh i.
4 Hlivua cul ai umtu in ci cing tuh lo i.
Cen mairo sik tu in rongkhawm tuh lo i.
5 Hlivua zuang hmun lampui le naupaai tu nuu pum songah nau ruh khang dan khiah
ling lo thill lo i si.
Ciabangin, zaizongza bawntu Pathian perhnak na khai ling sah thill lo i si.
6 Zinglam in na cii cing tu.
Zanlam fangin nihlawh leng in um mah.
Ziangmanti fangin he maw khia maw,
maw a panih in pha tuh khiah ling lo i si.
7 Thungai in khuavar khiah a mawi i.
Mit in ni hmu tuh khiah a hiamkul i.
8 Ikhalselai mi pakhat in kum tamngai nung lekhaw,
A nungzah kum zah in in ang tu seh.
Ikhalselai khuathim nia khua khai hih tu seh.
Ziangmanti fangin a tamngai khuathim tuh i.
A hlenghnak hmuah khiah a vek in a lovang i.
9 Aw tlangval pa, na sen lai in ang in um tu.
Na tlangval niu teng in na thinlung in na ang ruai tu seh.
10 Ciamanin lungsiahnak khiah na thin songin hnawt tu.
Na pum songin a pha lo khiah lon tu.
Ziangmanti fangin naupang le tlangval niu khiah a lovang i.