1 La hmuahhmuah lakai la, Solomon la.
Shulam fenu
2 A kaa thawn in i thut tu dek seh.
Ziangmanti fangin na ithnak khiah
capittizu tah in ur sawn i.
3 A pha na pawhhnak thau khiah rimhmui manin,
Na hming khiah a bunghnak thau i si.
Ciamanin fenute in na tlak i.
4 I tlan tu teu!
Jerusalem fenute
Na hnawh tuh i ing.
Shulam fenu
Kumpibawipa in a khan songah i tlum i.
Jerusalem fenute
Nangmah lak ah kin ang ai kin hiam i.
Na ithnak khiah capittizu tahin hih tuh sawn i ing.
Shulam fenu
Amahte in na tlak heh mawi ngai i.
5 I taksa khiah hang napui ai i hmel khai Aw Jerusalem fenute,
Kedar bukte le Solomon dawngkham
hmai ai zarhnak pon bangin i mawi i.
6 I hang manin i kian hnelhno mah ih.
Ni sa in i kang manin i hang i.
I hming paate khiah i lakah raw ngai ai,
Vuandum kiltu ah i hmang i.
Ikhalselai kaimah vuandum tu kil lo ing.
7 I ithnak pa, i rel tu.
Na tu te akonah khal i si?
Sun fangin akonah bual ruai i si?
Ziangman in na tukhal puite hnenah,
i hmai khiah ponniu in hup tu bang in um tuh ing?
A ithnak pa
8 Aw nupang lakai a mawi ber nu,
ling lai hlahlesikhaw,
Tu te keniah khiah hlun tulai, na me te
khiah tukhalte buk hiang ah khal tu.
9 I ithnak nuu, nangmah khiah Pharoah
siphuh leng te songai siphuh laa niu thawn
na bang i.
10 Na biang khiah bilvuh kawmin mawi ngai i.
Na hawng khiah sui khi thawn mawi rauh i.
Jerusalem fenute
11 Ngun tangka thawn bethnak
sui bilvuh na bawt nga ing.
Shulam fenu
12 Kumpibawipa khiah cabuai vumah to fangin,
I zihmui khiah a khan dim in hmui i.
13 I ithnak paa khiah zan khuavar i hnawi
laklawh ah myrrh thing hmui tomkhat
bang in it i.
14 I ithnak paa khiah En Kedi capit vuandum songai,
henna thing hmui papar bor bang i.
A ithnak pa
15 I ithnak nuu, nangmah khiah na mawi ngai i.
Na mawi ngai i.
Khuro mit bang mit nai i si.
Shulam fenu
16 I ithnak paa, nangmah khiah na mawi ngai i.
Ang kul ngai i si.
Kin khuahluan khai tangphaw i.
17 Kin innte ai luangkiangte khai lawithing i.
Kin innbo te khai farthing i.
Kaimah khiah Sharon ai rose papar ing.
Rawn lakai lili papar ing.