1“Thincawl in um mah ih. Pathian khiah sang i si. Kai khai i sang tuu-ih. 2I Pa inn ah umhmun tamngai um i. I hlah selai, ning rel tuh zo ing. Ning umhmun rem tuh in feh tuh ing. 3Cen feh in ning umhmun rem le ingkhaw, kaimah khiah hleng leh tuh ai ning lang leh tuh ing. Ciafangin i umhmun ah ningte khai um tuh vei si. 4Cen konah feh ing ti khiah ling i si. Cen a lampui khai ling i si.”ti in ti i. 5Ciafangin Thomas in, “Bawipa, konah feh i si ti rin na ling sah lo i ing. A kontih in a lampui ling tuh i ing?” ti in ti i. 6Zisu in amah hnenah, “Kaimah khiah lampui, thuhman le nunhnak ing. Kaimah hnen lo in aisu in khai i Pa hnenah kawi thill lo i 7Kaimah khiah i ling ta i silai, i Pa khai ling tuh ve i si. Tunai panin ningte in amah khiah ling ai amah hmu zo i si.”ti in ti i. 8Filip in amah hnenah, “Bawipa, Na Pa kin hmuh tulai kin ca ah tawk zo i hang.”ti in ti i. 9Zisu in amah hnenah, “Kaimah khiah ningte thawn a raipui um tlang zo ai i ling lai lo i sim, Filip? I hmu tu in i Pa khai hmu zo i. A kontih ai, ‘Na Pa kin hmuh tu.’ ti i si? l0Kaimah khiah i Pa songah um ai i Pa khiah i songah um i ti khiah sang lo i sim? Ning hnenah i ponghnak pon te khiah kaimah thu ai pong hnak i lo i. Ikhalselai i songai umtu i Pa ai bawnhnak naperte i. 11Kaimah khiah i Pa songah um ai i Pa khiah i songah um i ti khiah sang tuu-ih. Cia hlah le kin naper manin sang tuu-ih. “Thungai, thungai in ning rel ing. I sang tu pa in i bawnhnak khiah bawn tuh ve ai, kaimah khiah i Pa hnenah feh manin hete hnak in lian sawn na per tuh i. 13I Pa khiah a Fapa songin thangphat thillhnak tuh in i hming in ning ngenhnak hmuah bawn tuh ing. 14I hming in ning ngenhnak zaizaikhai bawn tuh ing. 15I it leisikhaw, i thukham hlun tuu-ih. 16Cen i Pa hnenah ngen ngangkhaw ningmah thawn kumzangza um tuhin i Pa in a dang Bawmtu ning pe tuh i. 17Cia khiah thuhman Ciang Rauhla i ai laivum mite in amah khiah hmu lo manin in le ling khai ling lo manin ngah khai ngah thill lo i. Ikhalselai ningte in ling i si. Ziangmanti fangin amah khiah ning lak ah um ai ning songah um tuh i lai. l8Thinnuam lo in ning hlum tuh lo ing. Ning hnenah kawi tuh ing. 19Campuikhat fangin laivum mite in i hmu tuh nawn lo i hang. Ikhalselai ningte in i hmu tuh i si. Kaimah khiah nung manin ningte khai ning nung tuh ve; i. 20Cia nia ah ningte in kaimah khiah i Pa songah um ai, ningte khiah i songah um ai kaimah khiah ning songah um i ti ling tuh i si. 21I thukham khiah nai ai a hluntu pa khiah i it tu pa i. I it tu pa khiah i Pa in it tuh ai, kaimah in khai it tuh ai amah hnenah kaimah khiah lar tuh ing. 22Iskariat lo a dang Judas in, “Bawipa, zaimanin kin hnenah tu lar tuh ai laivum mite hnenah tu lar tuh lo i si?” ti in zawt i. “Zisu in amah hnenah, “Mi pakhat in i it lekhaw, i thu hlun tuh i. Ciafangin i Pa in amah khiah it tuh ai, kin panih in a hnenah kawi tuh ai cia pa thawn umkhat tuh i ing. 24I it lo tu pa in i relhnak thu te ngai lo i. Ning za hnak thute khiah kai ai i lo ai i hlat tu i Pa ai i. 25Ning thawn i um lai in he thute khiah ning rel ing. “ikhalselai i hming in i Pa ai hlat tuhhnak Bawmtu Ciang Rauhla in zai hmuahhmuah ning cuk tuh ai ning hnenah i relhnak hmuahhmuah ning hih ruai leh tuh i. 27Thinnuam hnak ning hlup ing. I thinnuamhnak khiah ning pe ing. Laivum mite ai pe bang in ning pe lo ing. Thincawl in um mah ih. Cen lau khai lau mah ih. 28Feh tuh teu ai ning hnenah hleng leh tuh ing.’ti ai ning relhnak zazo i si. Ziangmanti fangin, ‘I Pa hnenah feh tuh ing’ ti in rel man in, i it leisikhaw ning ang tuh i. Ziang manti fangin i Pa khiah kaimah hnak in lian sawn i. 29A khim fangin ning sang thillhnak tuh in tun in a khim hlanah ning rel cia ing. 30Tun ai panin ning thawn in a tamngai pong tuh lo i hang ing. Ziangmanti fangin he laivum uktu bawi hleng i hang. Cen amah in i hnenah a naihnak zaikhai um lo i. 3lKaimah in i Pa khiah it i ti khiah laivum in mite ling thaihnak tuhin i Pa ai thukham i pe bangin a thukham bang in bawn ing. Tho tu i lai heta in feh nga sing.”ti in rel i.