1David khai Saul hnenah pong ben fangin, Jonathan le David khai rualrem cang kawm ai Jonathan in David khiah amah nunhnak bangin it i. 2Cia nia ah Saul in David khiah lang ai a paa inn ah tlung siang lo i hang. 3Ciafangin Jonathan le David khai thukham dun i. Ziangmanti fangin Jonathan in David khiah amah nunhnak bangin it i. 4Ciamanin Jonathan in a silhnak a thuam khiah a raal thilthuam le a vangsau le a kahpuk le a elpen tianin David pe i. 5Ciamanin David khai Saul ai feh ruai hmun cang ah feh ai a fim ngai in nung i. Saul in David khiah a raalkapte uktu in dah ai, mi hmuahhmuah in Saul hnenumte in khai amah vumah lungkhim i. 6David in Filistin paa rek ben fangin amahte khai tlung fangin, kumpibawi Saul caang tuhin khua caangin nupuite khiah suak ai khuang le darbu kawmin lasa kongin ang ngai in laam tlang i. 7Ciafangin nupuite in a laam kongin, “Saul in mi thawngkhat rek i. Cen David in mi thawngha rek i.” ti in lasa i. 8Ciafangin amahte relhnak manin Saul khai thinraw ai lungkhim lo ngai i. Ciafangin amah in, “David tu thawngha rek i ti in ti ai kai tu thawngkhat lek rek i ti i. I kumpibawi ukhnak lo a dang zai daih tuh i hang?” ti in ti i. 9Ciamanin Saul in cia nia ai panin David khiah cul ngio i.
10A thangha fang in thin hnaihnok ruaitu rauhla khiah Pathian hnenin Saul hnenah hleng ai, Saul khai inn songah prawfet thurel i. Ciamanin David khai vel dang bangin a kut thawn congcing tum i. Saul kut ah fei pui um i. 11Ciafangin Saul in a fei pui thawn David khawh i. Ziangmanti fangin amah in, “Fei pui thawn David khiah bangkhang vumah khen tuh lio ing.” ti in ti i. Ikhalselai David khai amah hmun in velnih luat ngah i.
12Ikhalselai Bawipa khiah Saul hnenin tlan ai David hnenah um manin Saul khai David khiah kih i. 13Ciamanin Saul in David khiah a hmun in thawn ruai ai raalkap thawngkhat te captain ah dah i. Ani khai mite hmaiah suak ai mite hmai ah tlung i. 14David khai zaizongah a fim ngai in nung i. Bawipa khai a hnenah um i. 15Ciamanin Saul in David khiah a fim ngai in nung khiah hmu fangin amah khiah kih i. 16Ikhalselai Israel mi hmuah le Judah mite in David khiah it i. Ziangmanti fang in amahte hmai ah suak ai amahte hmai ah tlung i.
David in Michal nu i.
17Ciafangin Saul in David hnenah, “I fenu upa sawn Merab khiah nu tuhin na pe ngang. Kaimah ca in raalpha ngai in um tulai, Bawipa raal khiah tawng sah tu.” ti in ruai i. Ziangmanti fangin Saul in, “I kut in amah khiah rek ma seh. Filistin te kut in rek tu seh.”ti in ti i. 18Ciaman in David in Saul hnenah, “Kai bang in kumpibawi fenu nu tuh khiah aisu i pa ing? Cen i nunhnak le Israel ah i paa innkua tang aisu i?” ti in ti i. 19Ikhalselai Saul fenu Merab khiah David ai nu tuhin pe tuh inapui ai, Metholath mite Adriel sawn pe lio i. 20Ciafangin Saul fenu Mishal in David khiah it i. Amahte in cia khiah Saul rel fangin Saul khai ang i. 21Ciamanin Saul in, “Mishal khiah amah pe ngangkhaw, thang bang in awk ruai tu seh. Ciafangin Filistin te kut in lo rek tu seh.” ti in ti i. Ciamanin Saul in David hnenah, “Tunnia ah i fapa cang tuh i si.” ti in a velnih hnak ti i. 22Ciafangin Saul in a hnenumte hnenah, “David hnenah a thupniu in, ‘Kumpibawipa in na daih i. Cen a hnenumte in khai a veksenin na it i. Ciamanin kumpibawi fapa cang tu.’ ti in rel tuu-ih.” ti in ruai i. 23Ciamanin Saul hnenumte in he thu khiah David za thai in rel i. Ciafangin David in, “Kai bang mi farah le mi zainam lohnak khiah kumpibawipa fapa cang tuh khiah thucik niu vuah i sim?” ti in sawn i. 24Ciafangin Saul hnenumte in Saul khiah, “Hetih bangin David in pong i.” ti in rel i. 25Ciafangin Saul in, “Hetih bangin David rel tuh i si: ‘Kumpibawipa in a fenu man khiah a raalte phuzul sah tuhin Filistin te vunpar zakhat lek daih ngawn i.’ti in rel ruai i. 26Ciamanin Saul hnenumte in he thu khiah David rel fangin, David khai kumpibawi fapa cang tuhin lungkhim i. Cia nia khiah bo lai lo i. 27Ciamanin David khai tho ai feh le a minungte kawmin Filistin zanih rek ai amahte vunpar khiah David in kumpibawi fapa cang thaihnak tuhin, amahte in kumpibawi pa khiah a khim in pe i. Ciafangin Saul in a fenu Masal khiah a nu tuhin David pe i.
28Ciatih bangin Saul in Bawipa khiah David thawn ai um i ti le Saul fenu Mishal in David khiah it i ti khiah hmu ai ling i. 29Ciamanin Saul khai David khiah kih amam i. Ciamanin Saul khai a zomzet in David raal cang i. 30Ciafangin Filistin raalbawite khai raaltawng tuhin feh i. Ciatih in anite khai feh fangin David khai Saul hnenum veksen hnak in a fim ngai in nung i. Ciamanin a hming khiah thaang ngai i.