1Kum sarih khim cang fangin laiba hmuahhmuah hlat tuh sio i si. 2Hetih bangin hlat tuh i si: A ompui hnenah thil zawn tu hmuahin hlat tuh i. BAWIPA ai hlathnak i manin cia pa in a ompui i tu seh a unaute i tu seh rul ruai ma seh. 3 Ram dang mite in tu ning rul tu seh. Ikhalselai ning unau ai ning bahnak tu ning kut in hlat tuh i si. 4Ikhalselai ning lakah mi farah um tuh lo i. Ziangmanti fangin ning rothil tuhai BAWIPA ning Pathian ai ning pehnak ramah BAWIPA in hmuifu khiah, 5BAWIPA ning Pathian aw khiah a kungniu in ngai in tunnia ai kaimah ai ning ruaihnak thukhamte khiah hlun sio le isikhaw, hmuifu ning bur tuh i. 6 Ziangmanti fangin BAWIPA ning Pathian in ning khamhnak bangin hmuifu ning bur tuh i. Ram dang mite khiah zawn tuhai amahte hmunin pu tuh lo i si. Ram dang mite tamngai khiah uk tuh i si. Ikhalselai anite in ning uk tuh lo i.
7BAWIPA ning Pathian ai ning pehnak ram ai ning kawl dawng songah ning unau farah um lekhaw, a farah ning unau lakah ning thin ruh tuh lo i si. Cen hmundit in ning kut khai tum tuh lo i si. 8Ikhalselai amah hnenah hmunthiam ngai in ning kut khiah a kau ngai in pharh tuhai a samhnak zaizah i ta in khai a samhnak zah in a siang ngai in zawn tuh i si. Ning thin songin ruat sual in, ‘Hlathnak kum, kum sarihhnak khiah nong i hang’’ti in ti in ning unau a farahte lakah ning mit khiah sia in zai khai pe hlah leisikhaw, amah in BAWIPA hnenah ning zuar fangin ning lakah sualhnak cang tuh i. 10Amah khiah pe tuh rori i si. Cen ning pe fangin thintok in um mah ih. Ziangmanti fangin he mi manin BAWIPA ning Pathian in ning na perhnak hmuah le ning kut ai tokhnak hmuah vumah hmuifu ning bur tuh i. 11Ziangmanti fangin ning ramah mi farah bo nia um tuh lo i. Ciamanin ning rel ing, ‘Ning ramai ning unau le mi farahte le a samhnak naite hnenah hmunthiam ngai in ning kut khiah a kau ngai in pharh tuu-ih.
12Ning unau Hebru pasal le nupang i tu seh, ning hnenah zuar in kum ruk song ning hnenum cang lekhaw, a kum sarihhnak fangin amah khiah luat ruai tuh i si. 13Cen na hmun in luat ruai fangin amah khiah kut lo lekin feh ruai tuh lo i si. 14Amah khiah na sumte thawn le na fangcil hmun songai rong thawn le capitti rialhmun songai capitti thawn hmunthiam ngai in pe tuh i si. BAWIPA ai hmuifu ning bur zahin pe tuh i si. 12Izip ramah ningmah khiah sal cengfa i awng ai BAWIPA ning Pathian in luang ning tlan awng khiah hih tuh i si. Ciamanin tunnia ah he thu khiah ning ruai ing. 16Cen amah in nangmah le na innkua khiah it in nangmah thawn khang khat manin, na hnenah, ‘Na hnenin tlan tuh lo ing.’ti in na ti lekhaw, 17thirfung khiah lang tulai dawngkham ah a bil khiah ret tulai amah khiah kumzangza in na hnenum cang tuh i. Cen na hnenum nupang hnenah khai ciabang in bawn tuh ve i si. 18Amah khiah a luat in na hlat fangin harsa ngai in ruat mah. Ziangmanti fangin amah in kum ruk na hnenum cang manin amah khiah hlawhtham ai nga hnak hnenum tahin letnih in na hnempui sawn i. Ciafangin BAWIPA ning Pathian in ning bawnhnak hmuahhmuah songah hmuifu ning bur tuh i.
16Ning kawlpaw le tuu lakai a te hmasaber a pa khiah BAWIPA ning Pathian hnenah a cianghlim in dah tuh i si. A te hmasaber ning kawlpaw cang thawn naper tuh lo i si. Cen a te hmasaber ning tuu khai a hmulmet tuh lo i si.
20Kum khat hnua kum khat ciate sa khiah BAWIPA ai rilhnak hmunah BAWIPA ning Pathian hmai ah ei tuh i si. 21Ikhalselai cia kawlpaw le tu te khiah a maa nai le a kengbai le a mitcaw le a khimlohnak nai lekhaw, BAWIPA ning Pathian hnenah hlu tuh lo i si. 22Ningmah kawl dawngkham songah ei thai i si. A ciang le a ciang lo pa in sakhi sa le kiho sa bangin ei thai i. 23A thi zong ei tuh lo i si. Ti bangin laipua ah lai tuh i si.