1Zakuk khai feh ai Pathian vancung mite tawk i. 2Zakuk in hmu fangin, “He hmun heh Pathian zancam hmun i.” ti in ti ai cia hmun khiah Mahanaim ti in ko i.
3Ciafangin Zakuk in Edom ramai Seir ram ah a u Esau hnenah a hlanin thuthantute feh ruai i. 4Amahte khiah, “I bawipa Esau khiah hetih in rel tuh i si: ‘Na hnenum Zakuk in, Laban hnenah tuntian um zo ing. 5Kawlpaw le lak le tuu le me le pasal hnenum le nupang hnenum nai bial ing. I bawipa in ning i hio tuhin he thu na than ing.’ti in rel tuu-ih.” ti in ti in rel i.
6Cia thuthantute letleh fangin Zakuk hnenah, “Na u Esau hnenah kawi ai tunin amah thawn minung 400 khiah na caang tuhin kawi i.”ti in rel i. 7Ciafangin Zakuk khai lau ngai le multing ngai in um ai a minungte khiah a tute le kawlpawte le a kala-ukte kawm in pawl nih in khan i. 8Ziangmanti fangin Zakuk in, “Esau in pawl khat taih lekhaw a dangte pawl lo tlan ngah thai i.” ti in ruat i.
9Ciafangin Zakuk in, “Aw i paa Abraham Pathian, i paa Aizek Pathian, ‘Na ram le na ulenaute hnenah tlung leh tulai milian na cang ruai tuh ing.’ ti ai i rel tu Aw BAWIPA, 10Na hnenum kaimah vumah ning i hiohnak le ngaih i harhnak khiah ngah tlak hrimhrim lo ing. He Jordan run i tan awng fangin tokrolh pakhat lek nai ing. Tuntu pawl nih i hang ing. 11I u Esau kut songin in i o tu ti in ninghio na ngen ing. Ziangmanti fangin a hleng fangin kaimah le nau nuute le naute khiah tawng tuh i lau i. 12Ikhalselai nangmah in, “Milian in na bawn tuhai na tesin fate khiah varkam ai runsiat bang in siar zolo in bawn tuh ing.’ ti in i ti i si.” ti in sawngen i.
13Zakuk khai ciata ah zancam ai a naihnak songin a u Esau lehsawng sum tuhin ril i: 14me nu 200 le me cang 20, tuu nu 200 le tuu cang 20, 15kala-uk nu 30 le a faniu kawm in, kawlpaw nu 40 le kawlpaw cang 10, lak nu 20 le la pa 10 te i. 16Ciate khiah a hnenum kut songah ap ai a pawl a pawl in dah ai a hnenumte hnenah, “I hlanin feh tu i lai pawl khat pawl khat khiah a kaangdun in feh tuu-ih.” ti in thu pe i. 17A hmasaber konghoitu pa hnenah, “I u Esau in na tawk fangin, ‘Aisu hnenum i si? Konah kawi tum i si? Cen he na hmai ai sumte tang aisu ai i?’ ti in na zawt fangin 18‘He sumte khiah na hnenum Zakuk ai i. I bawipa Esau hnenah lehsawng ai kuathnak i. Cen amah khai kin hnua niu ah i.’ ti in sawn tuh i si.” ti in tiam i. 19Ciatih bangin a panihhnak le a pathum hnak le a hnua ai hluntu a dangte khai, “Esau ning tawk fangin he bangin pon tuh ten i si.” ti in tiam i. 20Cen, ‘Na hnenum Zakuk khai kin hnua niu ah i.’ ti in rel tuh khiah hai mah ih.” ti in tiam i. Ziangmanti fangin Zakuk in, “I hlan ai i kuathnak lehsawng thawn Esau khiah raw awl ruai ngang. Ciafang amah i tawk leh fangin eh i khan tuh i.” ti in ruat i. 20Ciamanin Zakuk lehsawngte khiah a hlanin feh ruai ai amah tu buk songah zancam i.
Zakuk le Pathian tawngdun i
22Cia zanah Zakuk khai tho ai a nu panihte le a hnenum nupang panihte le a fa hlaikhatte thawn Jabbok ti tan i. 23Amahte khiah ti tan ruai ben fangin a naihhnak hmuah khai ralkhat ah kuat i. 24Ciaman in Zakuk khai amah lek taang ai mi pakhat thawn varciang tian ruangtawng kawm i. 25Cia pa in Zakuk neh ben lo hmu fangin, Zakuk keng ruh khiah hlok sah lio i. 26Ciafangin cia pa in, “Varciang i hang, i hlat tu.” ti in ti i. Ikhalselai Zakuk in, “Hmuifu i bur hlahlesikhaw na hlat tuh lo ing.” ti in ti i. 27Ciafangin cia pa in, “Na hming aisu i si?”ti in zawt i. “Zakuk ing.”ti in sawn i. 28Ciafang cia pa in, “Na hming khiah Zakuk i tuh lo i hang. Ikhalselai Israel i tuh i. Ziangmanti fangin Pathian le mite thawn tawngdun ai nehsio i si.” ti in ti i. 29Ciafangin Zakuk in, “Na hming i rel tu?”ti in zawt i. Ikhalselai cia pa in, “Zaimanin i hming i zawt i si?” ti in ti ai Zakuk khiah hmuifu bur i. 30Ciamanin Zakuk in cia hmun khiah Peniel ti in ko i. Ziangmanti fangin, “Pathian thawn hmai cun in hmu dun ai i nunhnak khiah i zah zo i.” ti in ti i. 31Zakuk khai Peniel in feh fangin a vumah ni suak le ani khai a keng ur manin kawngbai lio i. 32Ciamanin tuntianin Israel minungte in keng ruh songai thari khiah ei lo i. Ziangmanti fangin cia thari khiah Amah in Zakuk kengpui khiah toksah fangin a thari ro lio i.