1 Israel khiah i cak ruai tum fangin,
Efraim sualhnak khiah lar lio i.
Samaria sualhnak khai lar i.
Ziangmanti fangin amahte in hrokhrawl in na per i.
Ruko pa khai tlum i.
Ruko te pawl khat in sumpua lam ah
mite khiah rok sah i.
2 Kaimah in amahte sual hnak khiah a veksen in
hih sah khiah amahte thin songah ruat lo i.
Tunin amahte bawnhnak in amahte khiah kulh i.
Ciate khiah i hmai ah um i.
3 Amahte sualhnak thawn
kumpibawipa khiah ang ruai i.
Amahte thudon relhnak thu thawn
bawite khiah lungkhim ruai i.
4 Amahte khiah a veksen in nulepa sual bawntute i.
Pawnghmuk emtu pa in pawnghmuk khiah hlom ai a khang hlan lo,
mai khun lo in sa ruaihnak lungthu bang i.
5 Kin kumpibawi san ah, bawite khiah capittizu thawn
amahte thin khiah saa ruai i.
A kut khiah mi zauhsuam tute kut thawn zom i.
6 Amahte in mi bawh teng in
amahte thinlung khiah mai bang in sa i.
Zan khuavar in amahte thin songah ko phetpho i.
Zing fangin mai pual pui bang in ko i.
7 Amahte khiah mai bang in sa i.
Amahte thukhantute khiah rek i.
Amahte kumpibawite khiah a veksen in thi i.
Amahte lakah i ko tu aisu khai um lo i.
8 Efraim in mi phun dangte pawl i.
Efraim khiah a tlep lo hnak sangreu bang i.
9 Ram dang mite in a tha khiah ei sah sek i.
Inapui ai amah in ling lo i.
A lu ah puak paar napui ai cia khai ling lai lo i.
10 Israel hngal hnak in a hmai ah tetti khan i.
Ikhalselai amahte in amahte Pathian
BAWIPA hnenah let leh lo i.
Cen hete veksen ca in BAWIPA khai amahte in sii lo i.
11 Efraim khai a voi khuro bang i.
Ruathnak nai bul lo i.
Amahte in Izip khiah ko i.
Assiria ah kawi i.
12 Amahte feh hmun cang ah,
amahte vumah i sur khiah vorh tuh ing.
Hlivua lakai vaniu te bang in
amahte khiah tlok ruai tuh sek ing.
Amahte pawlpui te ai zahnak bang in,
amahte khiah tiam tuh ing.
13 I hnen in tlan manin amahte khiah rimsu tu selaw!
I lakah sual manin amahte khiah hnawm tu sek seh!
Kaimah in amahte khiah luat ruai napui ai
amahte in kaimah khiah i siat thotho i.
14 Amahte khuahluan vumah lungsia in kap
fangin, amahte thinlung ngaingai in i hnenah kap lo i.
Rongmu le capittizu thar ca in hmunkhat in khawm tlang i.
Kaimah khiah i tawng i.
15 Amahte khiah cuk in tha pe napui ai
I lakah phat lohnak ruat hnelhno i.
16 Amahte in let leh napui ai
A Saangber Pathian hnenah let lo i.
Amahte khiah kahpuk hnawmpui bang i.
Amahte in awrsia cam manin amahte bawi te
khiah vangsau thawn thi tuh i.
He ca in amahte khiah Izip ramah mite in hnihcip tuh i.