1 Amah thinrawhnak tokrolh thawn
rim i su ruai tu khiah kaimah ing.
2 Amah in kaimah khiah khuavar lo khuathim
lakah i feh pui ai i vak ruai i.
3 Sunnivui in amah in kaimah khiah
a kut thawn i beng lek lo i.
4 Amah in i taksa le i vun khiah tar ruai ai
I ruhte khiah i ek sah sio i.
5 Amah in i kulh ai lungsiahnak le
thin rimsu hnak khiah i hiang cingkim ah dah i.
6 Hlanlai ah a thi zo mite bangin
Amah in khuathim lakah i dah i.
7 Amah in seen thawn i ren manin suak thill lo ing.
I thirri khiah rit ruai i.
8 I kap le i au fangin khai
I sawngenhnak khiah amah in i ngai sah lo i.
9 I lampui khiah a khuarhnak lungto thawn i khak i.
I lampui khiah kawn ruai berh i.
10 Amah in vom bangin i bawh i.
Chintit bangin i bawh i.
11 Lampui in i duk ai i sa khiah a cik niu niu in i hlik dek i.
Kaimah khiah a lovang ah i can i.
12 Amah in a kahpuk khiah er ai
hmuisung hnak ah i hmang i.
13 A conkiang bawm songai conkiang thawn
I kaal khiah tumpet in i kap i.
14 Kaimah khiah mi veksen zauhsuam hnak i cang i.
Sunnivui hnihcip lasahnak in i hmang i.
15 Lungsiahnak thawn i dim ruai i.
Hnuhkha ti i ding ruai i.
16 Amah in i kam khiah lungto thawn i seu sah i.
Vutkuang thawn i vurh i.
17 Thinnuam hnak khiah i lang sah lio i si.
Nunnuamhnak khiah hih leh lo ing.
18 Ciamanin kaimah in, “BAWIPA lakah i
tha le i ummhnak pai berh i.” ti in ti ing.
19 I rimsuhnak le i vai hnelhnohnak le
Hnuhkha ti le nikkha ti khiah i hih sah tu.
20 I thinlung in cia khiah hih i lai ing.
Thin i zul ruai i.
21 He khiah hih leh ing.
Ciamanin ummhnak nai leh ing.
22 BAWIPA ngaihharhnak manin kin thi berh lo i.
Ziangmanti fangin a ngaihharhnak khiah bo nia um lo i.
23 Zing siar in a thar dak tio i.
Nangmah khiah rinsan kul bik i si.
24 I thinlung in, “BAWIPA khiah i ro i.
Ciamanin amah lakah umm ing.” ti in ti i.
25 BAWIPA khiah a iang tute hnenah a pha i.
A sii tute lakahBAWIPA khiah a pha i.
26 BAWIPA ohnak umm tu le a dapniu ai
iang tute khiah a pha i.
27 Aisu khai a naupang lai in a haak phur pha i.
28 Amahte lek in pong lo niu in to tu seh.
Ziangmanti fangin cia haak khiah Pathian in phurh hnak i.
29 Amah in a hmai khiah laivut lakah ut tu seh.
Umm tuhhnak um thai pang i lai.
30 A beng tu pa hnenah a biang khiah dawh rih tu seh.
Amah khiah hmaisia hnak thawn dim tu seh.
31 Ziangmanti fangin BAWIPA in mite khiah
kumkhua in lon tuh lo i.
32 Amah in mite khiah lungsia ruai napuikhaw,
Amah in cia mite khiah a ngaihharhnak hmuh tuh i lai.
Ziangmanti fangin a ngaihharhnak khiah a rel zolo i.
33 Ziangmanti fangin amah in minungte khiah
a ang ngai in rimsu ruai lo i.
A ang ngai in minungte khiah lungsia ruai lo i.
34 Laivumai thawngtla tu hmuahhmuah khiah
a ke in fon tuh le
35 A Saangber Pathian hmai ah mi pakhat
pa khiah a ngah vo bangin pe nuam lo le
36 Mi pakhat khiah a thu a hman in rel sah nuam lo khiah,
BAWIPA in hmu tuh lo im?
37 BAWIPA in ruai hlahlekhaw,
aisu in a ponghnak bangin khim thill i?
38 Thin rimsu hnak le nunnuam hnak khiah
A Saangber Pathian kaa songin suakhnak i lo im?
39 Minung pakhat khiah a sualhnak manin
cawh fangin, zaimanin cam tuh hnelhno i?
40 Kin nuncan khiah ruat in check nga singkhaw,
BAWIPA hnenah let leh nga sing.
41 Kin thinlung le kin kut te khiah
Vancung ai Pathian hnenah tung nga sing.
42 “Kinte in sual zo ai na tawng zo i ing.
Nang in kin zah lo i si.” ti in rel nga sing.
43 Nangmah veve khiah thinraw thawn
khuk ai kin hnawh i si.
44 Kin sawngenhnak khiah hleng thill tuh lo in,
Nangmah veve khiah mairo in khuk i si.
45 Mi phun dangte lakah a rim le
hnawmborh in kin cang ruai i si.
46 Kin raal a veksenin amahte kaa thawn kin sawi i.
47 Lauhnak le thang tauhhnak le hnophnak
khiah kin vumah hleng ai kin vumah zaikhai taang lo i.
48 I minung fenute hnawm sio manin
i mit songin runti luang i.
49 I mithli khai com taulo in
50 Vancung ai BAWIPA in sik in a hmu hlan lo luang i.
51 I khua ai fenute manin
I mit ai hmu hnak in lung i sia ruai i.
52 I raalte in a thu um lo pui in,
kaimah khiah vaniu bangin i zul i.
53 Kua songah i nunhnak khiah i rek sah tum i.
Lungto thawn i sep i.
54 I lu vum tianin ti luang manin i thi tuh lio vuah ing.
55 A thuk ber kua songin, na hming na ko ing, aw BAWIPA.
56 “I ur le auhnak le i bawm ruai tuhin
i auhnak aw hnenin na bil khiah thup mah.”
ti ai i relhnak aw khiah zazo i si.
57 Na ko nia ah nangmah in i nong ah kawi ai,
“Lau mah.”ti in i ti i si.
58 Aw BAWIPA, i ca in i ngen sah zo i si.
I nunhnak khiah i tlanh sah zo i si.
59 Aw BAWIPA, mite in i lakah
bawn khelhhnak khiah hmu zo i si.
I thu i tan sah tu.
60 Amahte in phuzul nuamhnak veksen le
i tawng tuhai paihnakte khiah hmu zo i si.
61 Amahte ai zauh i suamhnak khiah zazo i si, aw BAWIPA.
62 Sunnivui ai i raalte in i hau hnak le
i siathnak khiah zazo i si.
63 Amahte khiah a to fangin le a ding fangin sik tu.
Amahte in la thawn zauh i suam i.
64 Amahte kut ai perhnak bangin,
amahte khiah lo rul leh tu, aw BAWIPA.
65 Amahte thinlung khiah pon in khuk sah tu.
Na camhnak khiah amahte vumah hleng tu seh.
66 Na thinraw kongin amahte khiah BAWIPA
vanhang hnia in hnawh tulai hnawmcan tu berh.