1Ciafangin BAWIPA in Moses hnenah, 2“Israel mite hnenah, ‘Khanaan ramah ning hleng fangin he ram khiah ning co tuhhnak ning ro i. A ramri khiah he bang i: 3Ning raam hlanglam ramri khiah Edom ramri hiang Zin Nelrawn in panin nisuak hmunlam Ci Tipui tian i. 4Ciata in Akrabbim tlang hlanglam in pan tuhai Zin tian le Kadesh Barnea hlang ah i tuh i. Ciata in Hazar Addar in Azmon tian i. 5Azmon in Izip Rawn tian i. Ciata in Tipui hmunah tong tuh i.
6Nitla hmunlam ning ramri khiah a Lianpui Tipui i tuh i. He khiah nitla hmunlam ai ning ramri i tuh i. 7Cen ning saklam ramri khiah: A Lianpui Ti in Hor Mual tian i tuh i. 8Hor Mual in Hamath luthmun tian i. Ciata in ning ramri khiah Zedad tian i. 9 Ciata in ramri khiah Ziphron tian; ciata in Hazar Enan ah tong tuh i. He khiah ning saklam ramri i tuh i.
10Nisuah hmun lam ning ramri khiah Hazar Enan in Shepham tian i. 11Shepham in ramri khiah Ain ziatlam ai Riblah ah zu tuh i. Ciata in ramri khiah Chinnereth Tipui ziatlam tian zu tuh i. 12Ciata in Jordan runti hlunin Ci Tipui tian i tuh i. He khiah ning ram le ning ramri i.’ti in rel tu.”ti in ruai i.
13Ciafangin Moses in Israel mite khiah, “He ram khiah BAWIPA in Israel mite hin kua te le hin hrekte hnenah pe tuh hnak ram i. 14Ziangmanti fangin Reuben fate le Kad fate khiah a paate hin bangin amahte ro khiah co zo i hang. Cen Manasseh hin hrekte in amahte ro ngah zo i hang. 15Cia hin nih le a hrek te in Jerikhu ralkhat lam Jordan run -in nisuah hmunlamah amahte ro khiah co ngah zo i hang.”ti in rel i.
16Ciafangin BAWIPA in Moses hnenah, 17 “Ning ram khiah ro co tuh in a khan tu te hming khiah hete i: phungki Eleazar le Nun fapa Joshua i. 18Cia ram khiah co tuhin zem tuhin ning hin songin mi upa pakhat ten ril tuh i si. 19Ciate hming khiah hete i: Judah hin songin Jephunneh fapa Khaleb; 20Simeon hin songin Ammihud fapa Shemuel; 21Benjamin hin songin Chislon fapa Elidad; 22Dan hin songin mi upa Bukki, Jokli fapa; 23Joseph fate songin: Manasseh hin songin mi upa Hanniel, Ephod fapa; 24Efraim hin songin Kemuel, Shiphtan fapa; 25Zebulun phun songin mi upa Elizapha, Parnach fapa; 26Issakhar hin songin mi upa Paltiel, Azzan fapa; 27Asher hin songin mi upa Ahihud, Shelomi fapa; 28Naphtali hin songin mi upa Pedahel, Ammihud fata, ciate i.”ti in rel i. 29Hete khiah Khanaan ram ah BAWIPA in Israel mite lakah amahte ro khiah sem tuhin ruaihnak mite i.