Pakhat le pakhat tazacuai dun mah ih
6Ningte in pakhat le pakhat hau fangin Pathian thusangtute hmai ah i lo ai misualte hmaiah tazacuai tuhin kawi ngam tum i sim? 2Pathian thusangtute in laivum mite thukhan tuh ling lo i sim? Laivum mite rin thukhan sah tuhai thucik niu peupeu thukhan thiam lo i sim? 3Vancung mite khai thukhan sah tuh i sing ti tang ling lo i sim? Ciailekhaw zaitluk tamin he san thawn senghnak thute khiah thukhan tuh i sing? 4Ciamanin he san ah thukhan tuh nai leisikhaw, pawlpui ai nautathnak mite khiah thukhantu tuhin dah i sim? 5Zak ning thi ruai tuhin ning rel ing. Ulenau lakah thukhan thiam mifim pakhat bang khai ning lakah um lo im? 6Ikhalselai unau le unau khiah thusang lotute hmaiah tazacuai dun i si. 7Ciamanin pakhat le pakhat tazacuai dun manin ning lakah a ngaingai in khelhhnak um i. Zaimanin a sung khan ning nuam lo i? Zaimanin zawlhnak tuar sawn ning nuam lo i? 8A lehlawkin ningmah sawnin ning unau khiah sung ruai ai zawl i si. 9Mi dikcanglote in Pathian ukhnak co tuh lo i ti tang ling lo i sim? Aisu in khai ning zawl ma seh. Tlangvalfenu sualhnak bawntute le milim biatute le mi dang nu le mi dang pa thawn sualtute le pasal le pasal phatemah cangtute le pasal le pasal le nupang le nupang thawn sualtute in khai Pathian ukhnak co tuh lo i. 10Cen rukote le mi thil irtute le zukhamte le misiattute le mizawltute in khai Pathian ukhnak co tuh lo i. 11Ningte a hrekkhat khiah ciabang i awng i si. Ikhalselai ning som zo i. Ikhalselai ning ciang ruai zo i. Ikhalselai Bawi Zisu hming le kin Pathian Ciang Rauhla in ning luat ruai zo i.
12I lakah zai hmuahhmuah pha liang i. Ikhalselai a vekin hnempui lo i. I lakah zai hmuahhmuah pha liang i. Ikhalselai hete power kuthnia ah kaimah veve dah tuh lo ing. 13Rong khiah pumpui ca i. Cen pumpui khiah rong ca i. Ikhalselai Pathian in a panih in hnawmcan tuh i lai. Kin pumpui khiah tlangval le fenu sualhnak ca i lo i. Ikhalselai kin pumpui khiah Bawipa ca i ai Bawipa khiah kin pumpui ca i. 14Pathian in Bawipa khiah tho ruai zo ai kinte khai a huthawm thawn kin tho ruai leh tuh ve i.
Ning pumpui khiah Pathian temple i
15Ning pumpui khiah Khrih innkua i ti ling lo i sim? Ciamanin Khrih innkua khiah lang in phatemah innkua ah dah nga ing? Dah zel hlah ing. 16Cen phatemah thawn a koptu pa khiah cia nu thawn pumkhat i ti ling lo i sim? Ziangmanti fangin amah in, “A panih in pumkhat cang tuh i.” ti in ti i. 17Ikhalselai Bawipa thawn koptu pa khiah Pathian thawn thinkhat in um tuh i. 18Tlangval le fenu sualhnak hnenin tlan tu. Mi pakhat ai sualhnak hmuahhmuah khiah a pumpui pualam ah sual i. Ikhalselai tlangval le fenu sualhnak bawntu in amah pumpui lakah sual i. 19Ning pumpui khiah Pathian ai ning pehnak ning songai umtu Ciang Rauhla temple i ti le ning pumpui khiah ningmah ai i lo i ti tang ling lo i sim? 20Ziangmanti fangin ningte khiah a man thawn ai ning laihnak i. Ciamanin ning pumpui le ning rauhla thawn Pathian thangphat tuu-ih. Ziangmanti fangin ning pumpui le ning rauhla khiah Pathian ai i.