1 Timote 5

<< 1 TIMOTE 5 >>

5Nangmah hnak ai tar sawn pa khiah ponsia  thawn tiam mah. Ikhalselai na paa bangin tiam tu. Na hnak ai nautate khiah na nau bangin sik tu. 2Na hnak ai tar sawn nupuite khiah na nuu bangin sik tu. Cen na hnakin nauta sawn nupangte khiah na famu bangin thinlung ciang hlim ngai thawn sik tu. 3Hmaitong peupeute khiah upat in zul tu. 4Ikhalselai cia hmaitong nu in fa le tute nai lekhaw ciate in amahte sanghnak khiah hlunin amahte innkua khiah sik in a paa te le a piite le a puute khiah sik tu seh. Ziangmanti fangin cia khiah Pathian daihhnak i. 5Cen aisu dang khai nailo ai samhnak naitu hmaitong in Pathian khiah umm ai sun le zan sawngen le Pathian hnenah ninghio kun in um i. 6Ikhalselai laivum nunnuamhnak sii in umtu hmaitong nuu khiah a nung lai rin a thi zo bang i. 7Amahte khiah mawhhluk tuh um lohnak tuhin he thu khiah rel in lo tiam tu. 8IIkhalselai amah hinpui le a innkua peupeu sik lo tute in sanghnak khiah el cang manin amahte khiah thusanglotute hnak in sia sawn i. 9Cen hmaitong nuu khiah kum sawmruk hnakin nauta ma seh. Pa pakhat lek nai awng tu i tu seh. 10Na pha per ti ai mi lakah hming thang tu le a fate khiah a phantak in siktu, mikhual siktu, mi cianghlimte ke som sahtu, harsatuartute bawmtu le na pha hmuahhmuah per tu te ian cazin songah khum tu. 11Ikhalselai hmaitong nu khiah fenu i lai lekhaw cazin songah khum mah. Ziangmanti fangin amahte taksa daihhnak suak fangin Khrih khiah zainam tuh lo ai pa nai nuam tuh le amahte thukhamhnak khiah pilh ruai manin amahte vumah cawhkuanhnak hleng ruai tuh i. 13Cia hlai ah amahte khiah naper lo in nihlawhleng in um ai inn khat hnua inn khat ah mimaleng in um ai nihlawhleng lek in um lo ai a rel mawilo thute le misiathnak rel in mi hnaihnok ruai i. 14Ciamanin hmaitong fenu laite in pa nai i daih i. Fa nai tu seh. Inn nai tu selai, kin ralte in mawhhlukhnak tuh um ruai ma seh. 15Ziangmanti fangin a hrekkhatte in Satan hlun tuhin lamtler zo i. 16Cen thusangtu nupang pakhat in hmaitong bawm kul nai i lekhaw pawlpuite bawm ruai ma seh. Cia nuu in cia hmaitongte khiah lo bawm tu seh. Ciafangin pawlpuite in hmaitong hmaitong peupeute khiah bawm thill tuh i.

17Tazahaw le thucuk lamah a rauhngai in pawlpui .na khiah a pha ngai ai pertu tazahaw sazate khiah letnih in upathnak ngah mawi i. 18Ziangmanti fangin, Lai Cianmghlim in, “Kawlpaw cang in fang a rial tengin a ka khiah hup sah tuh lo i si.” ti in le “Napertute in hlawhtham ngah tlak i.” ti in ngan zo i. 19Tetfi panih i hlahle pathum thawn lo in tazahaw saza pa khiah mawhhluk mah ih. 20A sual ai um ngio lute khinli mi dangte in khai sual tuh khiah lau that in mi veksen limai ah cia pa khiah hau tu. 22Con Pathian hmai 1e Khrih Zisu hmai ah le a rilhntk vnucung mite hmai ah a thupui in na rel ing; He dante khiah hmaisong lo in le aisu khai daihcchnnk thinlung thawn bawn mah. 22Na kut khiah mite vumah a rangze in lo dah mah. Amahte sunlhnak khiah tuar bawm mawh nga i si. 23Tidap lek ding mah. Ikhalselai na songur le na ur leklo manin capittizu a tlawmniu lo ding tu. 24Mi hrekkhat sualhnak khiah lar suang ten i. Amahtc hlanin thukhan hmun feh teu i. Cen a hrekkhatte tu amahte sualhnak in a hnua in hlun i. 25Ciabangpah in a pha naperhnak khai lar suang teu ve i. Cen a pha lo naperhnak khai thup thil ve lo i.

<< 1 TIMOTE 5 >>

Leave a Reply

Your email address will not be published. Required fields are marked *