Zisu khiah a hman capit kuang i
1Kaimah khiah a ngaingai capit kuang ing. I pa khiah capit vuandum vaitu i. 2A thai nai lo a kakte khiah i hnenin cem ai a thai nai te kakte khiah tarn am am in thai thai in hlawr i. 3Tunin ning te khiah i ponghnak in ning ciang ruai zo i. 4I songah um tu i lai kaimah khai ning songah um tuh ing. A kak in capit kung songah um lo in amah lekin thai thill lo bang in ningte in khai i songah um lo in thai thill ve lo i si. kaimah khiah capit kung ing. Ningte khiah a kakte i si. I songah um in kaimah khiah a songah umtu pa in a thai tamngai in thai i. Ziangmanti fangin kaimah thawn lo in zaikhai bawn thill lo i si. 6Mi pakhat in i songah um hlah lekhaw cia pa khiah thingkak bangin lon ai voi lio i. Ciafangin mite in cia thingkakte khiah khawm ai mai songah lon ah mai in kang sio i. 7Ningte in i songah um in i thu khiah ning songah um lekhaw, ning nuamhnak khiah ngen tu i lai ning bawt sah tuh i. 8A thai tamngai ning thai fangin i Pa thangphat i si. Ning i hnuahlunte khiah ciatih bangin um tuh i si.
9I Pa in i it bang in ningte khai ning it ve ing. I ithnak songah um tu ngio ih. 10Kaimah in i Pa thukham khiah hlun man in a ithnak songah um bangin, ningte in khai i thukham hlun le i sikhaw, i ithnak songah um tuh i si. 11Ning anghnak khiah dim thillhnak tuhin le ning anghnak khiah ning songah um thill ngiohnak tuhin he thute ning rel ing. 12He khiah i thukham i: Kaimah in ning it bangin pakhat le pakhat it dun tuu-ih. 13Mi pakhat in a rualpuite ca in a nunhnak liam hnak tahin ithnak lian sawn aisu in khai nai thill lo i. 14I ruaihnak khiah bawn leisikhaw i rualte i si. l5Tunai panin hnenum ti in ning ko lo i hang ing. Ziangmanti fangin a hnenum in a bawipa bawnhnak ling sah lo i. Ikhalselai ningte khiah i rualte ti in ning ko ing. Ziangmanti fangin i Pa hnenin i za hnak hmuahhmuah ning rel sio ing. 16Ningte in i ril lo i si. Ikhalselai kaimah in ningte khiah feh in a thai thai tuh ai ning thai khiah taang thillhnak tuhin kaimah in ning ril ai ning haih ing. Ciafang in ningte in ziangmenma hmuah i hming in i Pa hnenah ngen tuh ai, amah in ning pe tuh i. l7Pakhat le pakhat it dun tuhin thukham ning pe ing. 18Laivum mite in ning hua lekhaw ning hua hlan ah kaimah i hua zo i ti khiah ling i si. 19Laivum mite i si lai laivum mite in amahte minung khiah it tuh i. Ikhalselai ningte khiah laivum minung i lo ai kaimah in laivum in ning ril zo manin laivum mite in ning hua i. “‘Hnenum khiah a bawipa hnak in lian sawn lo i,’ ti ai ning relhnak khiah hih tuu-ih. Amahte in kaimah khiah siat i suah lekhaw amahte in ningte khai siat ning suah tuh ve i. Amahte in i relhnak thu hlun lekhaw amahte in ning relhnak thu khai hlun tuh ve i. 21Ikhalselai amahte in i hlat tu pa ling lo manin, i hming ca in amahte in hete hmuahhmuah ning vumah bawn tuh i. “Kaimah khiah hleng ai amahte khiah thurel ta hlah inglai amahte in sualhnak nai tuh napui lo i. Ikhalselai tun tu amahte in amahte sualhnak khukhnak tuh nai lo i. 23I hua tu in i Pa khai’ hua ve i. 24Mi dangte ai bawn awng lohnak na khiah kaimah in amahte lakah per ta hlah inglai, amahte in sualhnak nai tuh napui lo i. Ikhalselai tuntu amahte in hmu zo ai kaimah le i Pa thawn kin panih in kin hua i. “ikhalselai he khiah amahte thukham songai nganhnak, ‘A thu um lo ai i hua i.’ ti ai nganhnak thu khimhnak tuh in i. 26Ikhalselai i Pa hnenin suakhnak thuhman Ciang Rauhla khiah i Pa hnenin ning hnenah kaimah in ning kuat tuh ai cia Bawmtu pa khiah hleng fangin, amah in kaimah khiah tettikhan tuh i. 27Cen ningte in khai kaimah thawn a ngom ai panin um man in tettikhan tuh ve i si.