2Ikhalselai nang ngawn thuhman thawn ai a kaihhnak thute ian lo cuk tu. 2Patar deuhte khiah a tawkteng in nung tuhin le thu thuk ruat kongin le lungmu nai kongin le sanghnak kho thawn le ithnak le thin kho thawn nung tu seh. 3Ciabang in nutar deuhte in khai amahte nuncan ziaza khiah upat tlak in um tu seh. Misiat thai tute le zutama cang ma seh. Amahte in thupha khiah cuk tu seh. 4Amahte in nupang nautate in a pa te le a fate khiah it tuhin lo cuk tu seL 5Cen amahte in nupang nautate khiah Pathian thu khiah thansia lohnak tuhin lungmu nai tuhin le cianghlim ai um tuh le inn sang naper hal tuh le nunnem tuh le a pate thungai in um tuhin lo cuk tu seh. 6Ciabangin tlangyalte in khai amahte taksa pum daihhnak khiah uk tuhin ruai tu. Zaizongza ah na pha perhnak thawn konghoi tu. Na thucukhnak khiah.dikcanghnak thawn le a thupui in cuk tu. 8Kin raalte in kin feu khiah a pha lo ai relhnak tuh khiah nai ma seh. Amahte khiah zakthi kul in dah thai in a el thil lo dikcang ponka thawn lo cuk tu. 9Hnenumte in amahte bawite thu khiah ngai tu seh. Amahte khiah zaizongza ah lungkhim ruai tuhin ruai tu. Amahte in a bawite khiah sawn ma seh. 10Cen amahte in thil khai ru ma seh. Ikhalselai amahte in kin nun Otu Pathian feu khiah zaizongza ah thangphat thai in dikcang niu in nung tu seh.
11Ziangmanti fangin Pathian ngaihharhnak khiah mi veksen ohnak tuhin hleng zo i. 12A cianghlim lo dan le laivum daihhnak khiah el tuhai he laivum ah th inlung a fiinniu thawnle dikcang niu in le a cianghlim in 13A hmuifu ummkul ngai a lian kin Pathian le nun Otu Zisu Khrih khiah thangphathnak thawn hleng tuh kin iang kongin nung tuhin kin cuk zo i hang. 14Cia Zisu Khrih in kinte khiah sualhnak hmuahhmuah songin kin tlan tuhin le amah ca tuhin na pha per hiam tu tuh minungte khiah cianghlim ruai tuhin kin ca in a pum khiah pe zo i. 15He thute khiah lo rel tu. Huthawm hmuahhmuah thawn thuso in lo tiam tu. Aisu in khai nau na tat ma seh.