4Ciamanin i ulenaute, i ithnak ngelngo le i ngaaihnakte, i anghnak le i sui lukhukte, Bawipa songah a kho ngai in ding tuu-ih, i ithnak ngelngote. 2Euodias le Sintikhe te khiah Bawipa songah thinkhat in urn tuhin ning ngen ing. 3Cen i thilrit phurpuitu nang khai kaimah thawn kawspal thupha-napertu nupuite khiah lo bawm tu. Cen nunhnak ca-uk songai a hming khumsa i naperpui a dangte le Klement khai lo bawm tu. bawipa songah ang tu tio ih. Cen ang tuu ih, ti in ning rel leh thio ing. 5ing thinsauhnak khiah mi hmuah in ling tu seh. Bawipa khiah a nongniu ah i hang.6A lovang thu vumah thincawl in um mah ih. Ikhalseiai zai hmuahhmuah khiah anhnak thawn le ninghio kun kongin sawngenin Pathian khiah ning ngenhnak ling ruai tuu-ih. 7Fimhnak hmuahhmuah thawn ling ban lo Pathian thin nuamhnak in Khrih Zisu songin ning thin le lung khiah ning kilkhawl sahtuhi. 8A hnuataber ah, i ulenaute, a hman le a caang le a dikcang le a cianghlim le a itkul le a pha thil hmuahhmuah khiah phathnak le antlak lekhaw hete khiah lo mat tuu-ih. 9Cen i hnenai ning zirhhnak le ning ngahhnak le ning zahnak le ning hmuhnak khiah bawn tu i lai thinnuam petu Pathian khiah ning hnenah um tuh i. 10Ningte in kaimah i bawm leh manin Bawipa songah a tam rauh in i ang i. He hlanah khai i bawm ning nuam napui ai a khuan ngah lo i si. 11I sam manin ning rel i lo ing. Ziangmanti fangin zai bang i cangta in khai thinnuamniu ai um tuh khiah zirzo ing. 12Thil nai lo le thil tampui nai ai nundan khai ling zo ing. Cen a konah khai i tu seh zaizongza ah rongkham le rikam le thil naibial le samhnak tuar dan khai i cuk zo i.
13Tha i petu Khrih songin zai hmuahhmuah bawn thill ing. 14Ikhalselai ningte in i rimsu tengin i bawm manin ning an ing. l5Cen ning Filip minungte in Masidonia ah kawspal thupha a pan ngom tazahaw tuhai i feh fangin ningte lo pawl dang aisu in khai a pe lam le a ngah lam ah i bawm lo i. 16Ziangmanti fangin Thesalon khua rinah velkhat i kuat ai i sam fangin i kuat leh thio i si. 17Cia khiah lehsawng i daih manin i lo ai ning tangka khawl hmunah a thai tamngai um i daih manin i. l8Ikhalselai zai hmnahhmiiah nai liang ing. A tarn rauh in nai ing. Epaphro- daitus hnenai ning kuathnak a rimhmui Pathian lungkhimhnak le Pathian in ning saangsahhnak hibawlhnak ning thilte khiah ngah manin i dim i. 19Ikhalselai vancung ai a lianhnak bangin i Pathian in ning samhnak khiah Khrih Zisu songin ning pe tuh i. “Khrih Zisu songai mi- cianghlimte khiah upat tuu-ih. Kaimah thawn ai umtu ulenaute in hnuk ning sat i. “Mi ciang hlimte hmuahhmuah le Sizar innkuate berber in ning upat i. “Kin Bawipa Zisu Khrih ngaihharhnak khiah ning veksen hnenah um tu seh. Amen.