Ohnak ngah tuhin Zisu lek kul i
1Ciafangin Judea ram ai mi hrekkhatte hleng ai thusangtu ulenaute hnenah, “Moses dan bangin vunpar cem hlah leisikhaw, ohnak ngah thill tuh lo i si.” ti in rel i. 2Ciamanin Paul le Barnabas khai ciate thawn a thupui in. eldun fangin amahte khai Paul le Barnabas le a dang mite kawmin Jerusalem apawstalte le upate hnenah he thu zong tuh in feh tuhin lungkhim tlang i. 3Anite khai pawlpui te in hlat bang in Phenice le Samaria ram song in feh ai amahte hnenah Zental mite ai Pathian sanghnak thute rel fangin data ai thusangtute ulenaute ang ruai i. 4Amahte khiah Jerusalem ah hleng fangin, pawlpuite le apawstalte le upate in caang ai Pathian in amahte song ai perhnak na khiah amahte hnenah rel i. 5Ikhalselai thusangtu Farasi hrekkhatte in, “Amahte khiah vunpar cem kul i. Moses thukham hlun kul i.” ti in ti i. 6Ciafangin apawstalte le upate khiah he thu rel tuhin khawm tlang i. Amahte in thu tarn ngai eldun ben fangin, Peter khai tho ai amahte hnenah, “Ulenaute, tun bai niu ah Pathian in i kaa songin Zental mite in kawspal thupha za tuhin le sang tuhin kin te lakah kai i ril ling i si. 8Cen Pathian in minungte thinlung khiah ling sah liang ai kinte hnenah Ciang Rauhla kin pe bangin amahte khai pe ve khiah kin hmuh i. 9Ciatih bangin kinte le amahte khiah a dang cuang in dah lo ai amahte thinlung khiah sanghnak thawnin ciang ruai sah i. 10Ciamanin zaimanin hnuahlunte vumah kinte le kin paate in khai phur ben lohnak haak khiah phur ruai tuhin Pathian cu turn hnelhno i si? 11Ikhalselai Bawipa Zisu Khrih ngaihharhnak manin kinte khiah amahte bang in ohnak ngah i sing ti khiah sang i sing.” ti in rel i. ”Ciafangin mi zapui khiah pong lo in dapthen in um ai Barnabas le Paul songin Pathian in Zental mite lakah bawnhnak ngaihsun urkul thute khiah Barnabas le Paul in rel ai anite in ngai i. 13Amahte in pong lo in umtlang fangin James in, “Ulenaute, i ngai tuu-ih. 14Pathian in Zental mite khiah tlawng awng ai amah hming ca-in anite khiah Pathian in rilhnak thu khiah Simon in kin rel awng zo i. 15Cia khiah profet te ai relhnak thu: 16‘Hehnua ah kaimah khiah letleh tuh ai a tlu zo David inn sa leh tuh ing.’ Cen a hnawm zo sa leh tuh ing. 17Cia khiah a taanghnak minungte le i hming ai kohnak Zental mi hmuahhmuah in Bawipa Pathian sii tuh ai bawnhnak i.’ti in ti i. 18He thute khiah he hlanlai in ling ruaitu Pathian in rel i.’ ti ai relhnak bang i. 19Ciamanin he bang in thukhan ing: Pathian sangtu Zental mite khiah hnaihnok awl nga sing. 20Ikhalselai amahte in milimte hnenah hluhnak rong ei tuh lo in le tlangval fenu sualhnak bawn tuh lo le a hawng dik ai relchnak sa ei tuh lo le thi ding tuh lo in laikuat nga sing. 21Ziangmanti fangin hlanlai ai panin Moses thu khiah khua caang ah tazahaw ai sabbath caang in a thu siar i.” ti in rel i. uiafangin apawstalte le upate le pawlpui a veksen in amahte lakai mi upa Barsabbas tihnak Judas le Silas khiah Paul le Barnabas kawmin Anti ok ah hlat tuhin ril tuhin lung khim tlang i. “Ciamanin amahte in hetih bangin laikuat i: Apawstalte le upate le ulenaute in, Antiok le Siria le Cilicia ai umtu ulenaute hnenah, anghnak lai ning kuat i mg. 24Ziangmanti fangin kinte hnenin ning hnenah feh tute in, ‘Ningte in vunpar cem in thukhamhlun tuh i si,’ d in thin hnai ning hnok ai, aai ning caan nlai i ti za i ing. Kin in cia mite hnenah cia bang thukham pe lo i ing. 25Kin khai thinkhat lungkhat in hmunkhat in pumkhawm ai kin ithnak Barnabas le Paul thawn kin rilhnak mite khiah ning hnenah feh ruai pha i ti in ruat i ing. 26He mite khiah Bawi Zisu hming ca in amahte nunhnak liam ngam pawl i 27Ciamanin Judas le Silas hlat i ing. Amahte in he thute khiah a kaa in ning rel tuh ve i. 28Ziangmanti fangin ning vumah a kul bel lo thil rit ning phurh tuh lo khiah pha i, ti in Ciang Rauhla le kinte in ruat i ing. 29Ciamanin miliin hnenah hluhnak rong le thi le a hawng dik ai rekhnak sa khiah ei mah ih. Cen tlangval fenu sualhnak khai bawn mah ih. Hete khiah bawn hlah leisikhaw ning pha zo hang. Lo ning cak tu seh.
30Ciamanin amahte khiah hlat ben fangin anite khai Antiok ah hleng ai, mi tarn ngai khiah hmunkhat-in khawm ruai ben fengin, cia lai pe i. 31Anite in cia lai siar fengin, amahte khiah thin- nuam ai ang tlang ngai i. 32Ciafangin Judas le Silas khiah profet i ve manin data ai ulenaute khiah thu tarn ngai thawn so ai amahte khiah kho ruai i. 33Amahte khiah data ah camcuu khat um ben fangin, ciata ai thusang tu ulenaute hnenin apawstalte hnenah let ruai leh i. 34Inapui ai Silas tu ciata um hlen nuam i. 35Paul le Barnabas khai Antiok ah um hlen ai Bawipa Pathian thu khiah mi dang tam ngai kawmin cuk ai tazahaw i. 34Ni tam pui hnua fangin Paul in Barnabas hnenah, “Khua caang ai Bawipa Pathian thu kin relhnak mite tlawng in kontih bangin um i ti sik nga sing.”ti in sawm i. 37Bamabas in Mark Tihnak John khiah amahte thawn keng nuam i. 38Hchalselai Paul in amahte thawn na per lo ai Pamphylia in amahte thawn khek manin John khiah amahte kawmin keng pha lo i ti in ruat i. 39Ciamanin Paul le Barnabas khai siarmaw ti in eldun ai ciata in pakhat le pakhat lakin khek dun lio i. Barnabas in Mark lang ai Saiprus ah khawm in feh i. 40Paul in Silas ril ai ulenaute in Pathian ngaihharhnak vumah ap ben fengin ciata in thawn i. 41Paul khiah Siria ram le Cicilia ram songin feh ai pawlpuite khiah tha pe i.