1Passover khelhnak puai khim hlan ah, Zisu in he laivum khiah hlum tuh ai a Pa hnenah let lehhnak cuu khim ling ai laivum ai amah minungte khiah it awng bang in a tongtian in amahte khiah it i. 2Zanfak ei ben fangin Manah in Simon fapa Judas Iskariat thin songah Zisu zuarhnak tuh thu dah i. 3Zisu in a Pa in a kut songah zai hmuahhmuah dah liang ai Pathian hnenin amah khiah hleng ai Pathian hnenah let leh tuh ling manin, 4Ani khai zanfak ei ben fangin tho ai a thuam khiah hawk ai, pon mu pakhat khiah lang ai a el ah pen i. 5Hleng songah ti dah ben fangin a hnuahlunte ke som sah ai, a el ai penhnak pon niu thawn amahte ke nul sah i. 6Ciafang in Simon Peter hnenah hleng fangin Peter in amah hnenah, “Bawipa, i ke i som sah tuh i sim?” ti in ti i. 7Zisu in amah hnenah, “I bawnhnak khiah tunin i ling sah lai lo. i si. Ikhalselai tunhnua ah ling leh tuh i si.” ti in sawn i. 8Peter in amah hnenah, “Nang in i ke i som sahftuh zel lo i si” ti in ti i. Zisu iri’J ‘‘Na som’ sah hlah leingkhaw, nang thawn kin peh dunhnak um lo i.’ ti in sawn i. 9Simon Peter in amah hnenah, “Bawipa i ke lek i lo in i kut le i lu khai i som sah tu.” ti in ti i. 10Zisu in, “Takhlu zo te in a ke lek som kul i. A ke hlahhmuah tu ciang hang i. Ningte khiah ning ciang i. Inapui ai ning lakah a ciang lo tu urn i si.” ti in ti i. 11Ziangmanti fang in Zisu in aisu*ln amah zuar tuh i, ti ling, manin, “Ning lakah a ciang lo um i si” ti in ti i. 12Ciamanin amahte ke som ben ai a thuam sil leh ben fangin to fangin amahte hnenah, “Ning hnen ah i bawnhnak ling aw i sim? 13Saza pa le Bawipa ti in i ko i si. Ning hman i. Ziangmanti fangin kaimah khiah ning Saza le ning Bawipa ing. l4Ning Bawipa le ning Saza– kaimah in ning ke som lengkhaw ningte in khai pakhat le pakhat ke som sah dun ning mawi i. 15Ningte in kaimah ai ning hnenah i bawn bangin a cungtuh ning pe zo ing. 16Thungai, thungai in ning rel ing. Hnenum khiah a bawipa hnak in lian sawn lo i. A hlathnak khiah a hlat tu pa tahin lian sawn lo i. 17Hete khiah ling in bawn leisikhaw hmui ning fu i. 18Ning veksen hnenah pong lo ing. I rilhnak te khiah ling ing. Ikhalselai Lai Cianghlim ai rel hnak, ‘Kai thawn ai rongei kawm tu pa in a ke in i sirh i.’ tihnak khim i. l9Ciamanin a cang fangin ningte in kaimah khiah amah i ti in ning sang thilhnak tuh in a cang hlan ah ning rel cia ing. 20Thungai, thungai in ning rel ing. I hlathnak a leng siang tute in kaimah khiah i leng siang i. Cen i leng siang tute in i hlat tu pa leng siang i,” ti in rel i.
Zisu in a zuartu tuh relcia i
(Matt. 26:20-25; Mark 14:17-21; Luke 22:21-23)
21Ciatih in a rel ben fangin Zisu khai thinnuam lo ngai in um ai, “Thungai, thungai in ning rel ing, Ningte pakhat in i zuar tuh i si.” ti in ti i. 22Ciafangin a hnuahlunte’ khai pakhat le pakhat khiah aisu rel i ni tin sik dun tlang i. 23Ciafangin Zisu ai ithnak a hnuahlun pakhat khiah Zisu kaang hngaihngam in lo um i. 24Ciamanin Peter in cia hnuahlun hnenah, Zisti in aisu rel i pa ti in zawt tuhin/ruai i. 25Ciafangin Zisu kaang hngaihngam ai um tu’pa in, “Bawipa, aisu i?” ti in zawt i. 26Zisu in “He sangper khiah pakan songah i nim ben fangin in i pehnak pa khiah cia pa i.” in sawn i. Cia sangper khiah a nim ben fangin Zisu in Simon fapa Judas Iskariat pe i.’ 27Cia sangper pe ben fangin Satan khai Judas songah lut ai Zisu in amah hnenah, “Na bawnhnak khiah, a rang ngai in bawn. to zuai.” ti in rel i. 23Cabuai ai to tute in zai ca in Zisu in ciatih in pong i” ti ling sah lo i. 29Ziangmanti fangin a hrekkhatte in, Judas khiah paisa dip phur tu i manin, Zisu in, “Puai ca in thil lo lai tu.” ti maw, mi farahte khiah thil lo pe ruai vuah i. 30Judas khai cia sangper khiah lang ai sumpua ah suak teu: i. Ciafang in zan khuathim i. 3lCiamanin Judas feh hnua fangin, Zisu in, “Tun mi Fapa khiah thangphat i hang. Cen Pathian khai amah songin thangphat i hang. 32Pathian khiah amah songin thangphat lekhaw Pathian in khai amah khiah thangphat tuh ai a rang ngai in thangphat tuh i. 33Naupangte, ningte thawn campui khat um tuh. i lai ing. Ningte in i six tuh ai, Judah mite hnenah, ‘I feh hmunah kawi thill tuh lo i si,’ ti ai i rel bangin, ningte khai tunin ning rel ing. 34Thukham a thar ning pe ing. Pakhat le pakhat it dun tuu-ih. Kaimah in ning it bang in ningte khai pakhat le pakhat it dun tuu-ih. “Pakhat le pakhat it dun le i sikhaw, cia ning it dun hnak in mite in ningte khiah i hnuahlunte i ti ning ling tuh i.” ti in rel i.
Peter in Zisu el tuh khiah relcia i
(Matt. 26:31-35; Mark 14:27-31; Luke 22:31-34)
36Simon Peter in Zisu hnenah, “Bawipa, konah feh tuh i si? ti in zawt i. Zisu in, “I feh hmunah tunin i hlun thill tuh lo i si. Ikhalselai tunhnua ah i hlun leh tuh i si.”ti in sawn i. 37Peter in, “Bawipa, zaimanin na hlun thill tuh lo mg? Nangmah ca in i nunhnak khiah liam tuh ing.”ti in ti i. 38Zisu in, “I ca in na nunhnak liam tuh i sim? Thungai, thungai in na rel ing, Nangmah in velthum i el hlan lo ar khuang tuh lo i.