John 16

<< JOHN 16 >>

¹He thute khiah thin ning hnawm lohnak tuhin ning reicia ing. ²Amahte in sanginn songin ning hnawt tuh i. Cen ning rek tute in Pathian na per vuah tuhhnak a cuu hleng i hang. ³Amahte in i Pa le kaimah khiah kin ling lo manin hete khiah ning vumah bawn tuh i. ⁴Ikhalselai cia cuu khim fangin he thute khiah kaimah in ning reicia awng i ti ning hih thill thai in he thute ning rel ing. Cen kaimah khiah ningmah thawn um manin a ngom in he thute ning rel awng lo ing. ⁵lkhalselai tunin i hlat tu pa hnenah feh tuh ing. Cen ningte in,’ Konah feh tuh i si?” ti in i zawt lo i si. ⁶Ikhalselai he thute ning rel manin lung ning sia i. ⁷Ikhalselai thuhman ning rel ing. Kaimah feh teu heh ningmah ca ah pha sawn i. Ziangmanti fangin feh teu hlah inglai Bawmtu pa khiah ning hmun ah hleng tuh lo i. Ikhalselai kaimah feh leingkhaw amah khiah ning hnenah ning kuat tuh ing. ⁸lkhalselai amah hleng fangin, laivum mite hnenah sualhnak le dikcanghnak le cawhkuanhnak hmuh tuh i. ⁹Sualhnak hmuh tuh i. Ziangmanti fangin amahte in i sang lo i. ¹⁰Dikcanghnak hmuh tuh i. Ziang manti fangin kaimah khiah i Pa hnenah feh tuh ai ningte in i hmu tuh nawn lo i si. ¹¹Cawhkuanhnak hmuh tuh i. Ziangmanti fangin he laivum uktu bawi khiah cawh zo i hang. ¹²Thu tampui ning rel tuh nai i lai ing. Ikhalselai ningte in tunin ngai ben lo i hang i si. ¹³Ikhalselai thuhman Ciang Rauhla hleng fangin, thuhman hmuahhmuah lamah kong ning hoi tuh i. Ziang­manti fangin amah thu rel tuh lo i. Ikhalselai a zahnak hmuah khiah amah in rel tuh ai a hleng tuh lai thilte khiah ning hmuh tuh i. ¹⁴Amah in kaimah thang i phat tuh i. Amah in i naihhnak khiah lang tuh ai ningte hnenah ning hmuh tuh i. ¹⁵I Pa ai naihnak thil hmuahhmuah khiah kaimah ai i. Ciamanin i naihhnak hmuah amah in lang tuh ai ning hmuh tuh i, ti in ning rel ing. ¹⁶I Pa hnen kawi tuh ing. Ciamanin zaicam lo niu fangin ning te in i hmu tuh lo i hang i si. Cen zaicam lo niu fangin i hmu leh tuh thio i si.” ti in rel i. ¹⁷Ciafangin a hnuahlunte hrekkhat in, “ ‘I Pa hnenah kawi tuh ing. Ciamanin zaicam lo niu fangin i hmu tuh lo i hang i si. Cen zaicam lo niu fangin i hmu leh tuh thio i si.” ti ai kin relhnak tu ziang i pa?” ti in ti i. ¹⁸Ciamanin amahte in, ‘Zaicam lo niu’ tihnak tu ziang i pa? A rel hnak ling sah lo i ing.” ti in ti i. ¹⁹Zisu in amahte in thu zawt nuam i ti ling manin, amahte hne­nah, “Kaimah in, ‘Zaicam lo niu fangin i hmu tuh lo i si. Cen zaicam lo niu fangin i hmu leh tuh thio i si’ tihnak khiah ningmah tlangtlang zawt dun i sim? ²⁰Thungai, thungai in ning rel ing, Ningte in lungsia in kap tuhai laivum mite tu ang tuh i. Thin ning hnawm tuh napui ai ning thinhnawm hnak khiah anghnak ah cang tuh i. ²¹Nupui nuu khiah naukai fangin thinhnawm i. Ziangmanti fangin a cuu khim i hang. Ikhalselai a nau te fangin, laivum ah nau te manin ang ai a urhnak khiah hih lehlo i. “Cen tunin ningte khai lung ning sia i. Ikhalselai ning hmu leh tuh ing. Ciafangin ning ang tuh ai aisu in khai ning anghnak khiah ning lang sah tuh lo i. ²³Cia nia ah ningte in zaikhai i ngen tuh lo i si. Thungai, thungai in ning rel ing, I hming in ning ngen hnak hmuah i Pa in ning pe tuh i. ²⁴Tuntian tu i hming in zaikhai ngen awng lo i si. Ning ang hnak khiah dim thilhnak tuhin ngen tu i lai ngah tuh i si. “He thute khiah thuthim thawn ning rel ing. Ikhalselai thuthim in ning rel tuh lo ai i Pa khiah a ciang ngai in ning hmuh tuhhnak cuu hleng i hang. ²⁶Cia nia ah i hming in ngen tuh i si. Cen i Pa hnenah ning ngen sah tuh ing ning ti lo ing. ²⁷Ziangmanti fangin ningte in i it ai Pathian hnenin hleng mg ti sang manin i Pa in ning it i. ²⁸I Pa hnenin kawi ai laivum ah hleng ing. Cen laivum khiah hlum tuh ai i Pa hnenah feh leh tuh thio ing.”ti in rel i.²⁹A hnuahlunte in amah hnenah, “Tunin a ciang ngai in thu rel ai thuthimhnak thawn thu rel lo i hang si. ³⁰Cen nangmah in zai hmuahhmuah ling liang ai aisu in khai thu na zawt kul lo khai ling i ing. Ciate in nangmah khiah Pathian hnenin hleng i si ti khiah sang i ing.” ti in ti i. ³⁰Zisu in amahte hnenah, “Sang aw hang i sim? ³²Sik tuu-ih, Ningte khiah ningmah hlanlam nuamhmun cang ah ning piak tuh sio ai kaimah lek in i hlum tuhhnak cuu hleng i hang. Ikhalselai kaimah lekin um tuh lo ing. Ziangmanti fangin i Pa khiah kaimah thawn um i. ³³Ningte in i songin thinnuam hnak ning nai thillhnak tuhin he thute ning rel ing. Laivum ah rimsu harsa nai tuh i si. Ikhalselai ang tuu-ih. Laivum khiah neh zo ing.” ti in ti i.

<< JOHN 16 >>