Zisu in tha ze pa cakruai i.
(Matt. 9:1-8; Luke 5:17-26)
1Ciahnua a rai hlanah Zisu khai Kapernaum khua ah lut leh thio ai amah khiah inn songah um i ti khiah mite in ling i. 2Ciasawng pah mi tamngai khai hmunkhat in tai ai, mi tam ze manin dawngkham hiang rinah umhmun tuh um tau lo i. Ciafangin Zisu in tazahaw i. 3Amahte khiah a hnenah kawi ai, Zisu hnenah ruangze pa pakhat khiah mi pali in zawng ai kawih i. 4Cia mite khiah minung tam ze manin Zisu hiang ah a nong in kawi thill lo fangin, anite khai Zisu vum cang ai innphu khuk khiah bal i. Ciafangin ruangze pa khiah a taal hmun khuahluan thawnin hla i. 5Zisu in amahte sanghnak hmu fangin, ruangze pa hnenah, “Tlangval pa, na sualhnak na hlat sah zo i.” ti in ti i. 6Ciafangin ciata ai upadi dan cuktu saza hrekkhatte in amahte thin songin, 7“Ziangman in he pa in Pathian zauhsuam i. Pathian lo aisu dangin sualhlat thill i?” ti in ruat i. 8Amahte in ciatih bangin ruat i ti khiah Zisu in a thin songin ling vut fangin, amahte hnenah, “Zaimanin ning thin songin ciatih bang in ruat i si? 9Ruangze pa hnenah, ‘Na sualhnak na hlat sah zo i.’ ti maw, ‘Tho tu lai na khuahluan lang in feh tu.’ti pong bai sawn pa? 10 Ikhalselai ningte in mi Fapa in laivum ah sualhlathnak tuh power nai i ti ning ling thillhnak tuhin, (ruangze pa hnenah) 11Na rel ing. Tho tu lai na khuahluan khiah lang tulai inn ah tlung tu.” ti in rel i. 12Ciafangin ruangze pa khai tho ai a khuahluan khiah phur ai amahte hmai in feh manin anite khai ngaihsun ur ze ai, “He bang ngaihsun urkul khiah hmu awng kel lo i sing.” ti in rel kongin Pathian thangphat i.
Zisu in Levi ko i
(Matt 9:9-13; Luke 5:27-32)
13Zisu khai tipui hiang ah feh leh thio ai miburpui khiah a hiang ah taai ai ciafangin amahte khiah thucuk i. Zisu khai a vak kongin Alpheus fapa Levi khiah siahdong hmun zungah to in hmu fangin , Levi hnenah, “I hlun tu.” ti in ko i. Levi khai tho ai Zisu khiah hlun i. 15Zisu khai Levi innah rongei in to fangin siahdongtu tam fapa Levi khiah siahdong hmun zungah to in hmu fangin , Levi hnenah, “I hlun tu.” ti in ko i. Levi khai tho ai Zisu khiah hlun i. 15Zisu khai Levi innah rongei in to fangin siahdongtu tam ngai le misual tamngai khiah Zisu le a hnuahlunte thawnin to tlang i. Ziangmanti fangin amah khiah mi tamngai in hlun i. 16Ciafangin Farasite le upadi dan cuktu sazate in Zisu khiah ciatih in siahkhuai dongtute le misualte kawmin rongei khat khiah hmu fangin, a hnuahlunte hnenah, “Ziangman in amah khiah siahdongtu te le misualte kawmin rongei khat i pa?” ti in zawt i. 17Zisu in cia khiah za fangin, “A cakte in sibawi kul lo i. Ikhalselai a urte in kul i. Mi dikcangte ko tuh in hleng lo ing. Ikhalselai misualte sualsir ruai tuhin hleng ing.” ti in sawn i.
Rongul dan cuk i
(Matt. 9:14-17; Luke 5:33-39)
18Ciafangin John hnuahluntute le Farasite khiah rong lo ul de i. Ciafangin anite khai Zisu hnenah kawi ai, “Ziangman in John hnuahluntte le Farasite hnuahlunte in rong ul ai na hnuahlunte in ul lo i?” ti in zawt i. 19Ciafangin Zisu in, “Mohoi puai sim tute in mohoitu pa khiah amahte thawn a um song hmuah in rong ul thill tuh im? Amahte hnenah mohoitu pa a um song hmuah in amahte in rong ul thill lo i. 20Ikhalselai amahte hnenin mohoitu pa langhnak cuu khiah hleng tuh i lai. Ciafangin amahte in rong ul tuh i. 21Aisu in khai angki hlun khiah pon thar thawn dat lo i. Dat lekhaw cia pon thar in pon hlun khiah zik ruai tuh ai a zikhnak khiah kau tuh amam i. 22Cen aisu in khai capitti thar khiah palang hlun songah khawi lo i. Ziangmanti fangin capitti thar in palang khiah khoi ruai tuh ai capitti thar khiah zun tuh le palang khai hnawm tuh sio i. Capitti thar khiah palang thar songah khawi tuh i. ” ti in ti i.
Zisu khiah Sabbath uktu Bawi i
(Mate 12:1-8; Luke 6:1-5)
23Sabbath nia ah Zisu khai a hnuahlunte kawmin nimden lo lai in feh ai a hnuahlunte in nimden pu hlok pan i. 24Farasite in amah hnenah, “Sik tu. Ziangman in na hnuahlunte in sabbath nia ai bawn dan lo khiah bawn i pa?” ti in ti i. 25Zisu in, “Ningte in David le amah thawn ai umtute khiah sam le rikam fangin, a bawnhnak siar awng lo i sim? 26Ziangmanti fangin Abiathar khiah phungki per teng in, David khai Pathian inn songah lut ai phungkite siar lo aisu in khai ei dan lo Pathian hmai ah dahhnak sangper khiah ei ai amah thawn ai umte khai pe i.” ti in sawn i. 27Ciafangin amahte hnenah, “Sabbath nia khiah minung ca ai bawnhnak i. Ikhalselai minung khiah sabbath ca ai bawnhnak i lo i. 28Ciamanin mi Fapa khiah sabbath nia tianin uktu Bawipa i.” ti in rel i.