5Ulenaute, a cuu le a niakhua khiah lai in ning kuat kul lo i. 2Ziangmanti fangin Bawipa hlengleh nia khiah zanlai ai ruko bangin hleng tuh i. 3Mite in, ‘Thinnuam in muang in um tuu-ih.’ ti alrel lakin naupai nupui nuu khiah naukai ai ur bangin amahte vumah hnawmhnak khiah hleng tuhai,. amahte khiah luat tuh lo i. 4Ikhalselai ning ulenaute, ningte khiah khuathim songah um lo i si. Ciamanin cia nia in ‘ ruko bangin ning tan ma seh. Ningte khiah khuavar le sunlai a var fate i si. Khuathim le zanlai fate i lo i sing: 6Ciamanin midangte bangin mitmu in um lo in a phawk in um in kinmah veve khiah uk kongin um nga sing. 7Ziangmanti fangin mitmute in zan fangin mitmu ai zukhamte in zan fangin zukham i. 8Ikhalselai kinte khiah sunlai fate kin i man in zukham in um lo in sanghnak le ithhak khiah kin sohnar vumah sil nga singkhaw nun ohnak ummhnak khiah kin lu ah khu nga sing. 9Ziangmanti fangin Pathian in a thinraw hnak tuar tuhin kin haih lo ai kin Bawipa Zisu Khrih songin ohnak ngah tuhin kin haih zo i. 10Kin ca ah thi zo manin kin phawk le mitmu in khai amah thawn hmunkhat in um tuh i sing.
11Ciamanin ning bawn tio bangin pakhat le pakhat khiah so dun in bawm dun tuu-ih. 12Ulenaute, ning lakai napertute le Bawipa songah ning vumai umtute lening tiamtute khiah zul tuu-ih. Amahte naperhnak manin ciate khiah ithnak thawn a sangber letlo in dah tuu-ih. 14Ulenaute, ning rel ing. Naper lo ai a lovang ai nihlawhleng te khiah tiam tuu-ih. Zakthi naite khiah tha pe tuu ih. Thanuate khiah bawm tuu ih. Aisu hmuahhmuah khiah thinsau in or tuu-ih. 15A pha lo khiah a pha lo thawn rul mah ih. Ikhalselai pakhat le pakhat lakah le mi veksen fmenah ninghio dun tuu-ih. 16Ang tu do ih. 17A catlo in sawngen tuu-ih. 18Zaizongza ah Pathian an tuu ih. Cia khiah Khrih Zisu songai ningte ca ah Pathian daihhnak i. 19Ciang Rauhla maivar khiah dit mah ih. 20Profet thurel thiamte relhnak thu khiah nautat mah ih. 21Zai hmuahhmuah khiah zongin zawt hmasa tuu-ih. A pha khiah awh tu ngio ih. 22A phalo hmuahhmuah khiah pial tuu ih.
23Thinnuamhnak Pathian amah rori in a pumpalah in ning cianghlim ruai tu seh. Ning rauhla le ning ruathnak le ning pumpui khiah kin ‘ Bawipa Zisu Khrih hlengleh fangin mawh nailo in lo dah tu seh. 24Ning ko tu khiah rinsantlak manin amahin bawn tuh i. 25“Ulenaute, saw kin nget tuu-ih. 26Ulenaute a veksenin a cianghlim thuthnak thawn caang dun tuu-ih. 27He ai khiah ulenaute veksen hnenah siar tuhin Bawipa hmai ah ning ruai ing. 28Kin Bawipa Zisu Khrih ngaihharhnak khiah ningte thawn um tu selaw. Amen.